The Bible

1

Bannee yn Chiarn, O m'annym: as ooilley ny ta cheu-sthie jee'm bannee e Ennym casherick.

Praise the Lord, O my soul: and all that is within me praise his holy Name.

2

Bannee yn Chiarn O m'annym: as ny jarrood ooilley e hoyrtyssyn;

Praise the Lord, O my soul: and forget not all his benefits;

3

Ta leih ooilley dty pheccah: as slaanaghey ooilley dty ghoghanyn;

Who forgiveth all thy sin: and healeth all thine infirmities

4

Ta sauail dty vioys veih toyrt-mow: as dy dty choamrey lesh myghin as kenjallys-ghraihagh;

Who saveth thy life from destruction: and crowneth thee with mercy and loving-kindness;

5

Ta jannoo magh dty veeal lesh nheeghyn mie: jannoo oo aeg as lajer myr urley.

Who satisfieth thy mouth with good things: making thee young and lusty as an eagle.

6

Ta'n Chiarn cooilleeney cairys as briwnys: er nyn son ocsyn ooilley ta tranlaasit lesh aggair.

The Lord executeth righteousness and judgement: for all them that are oppressed with wrong

7

Hoilshee eh e raaidyn da Moses: e obbraghyn da cloan Israel.

He shewed his ways unto Moses: his works unto the children of Israel.

8

Ta'n Chiarn lane dy hymmey as dy vyghin: surranse-foddey, as jeh mieys vooar.

The Lord is full of compassion and mercy: long-suffering and of great goodness

9

Cha bee eh kinjagh corree: chamoo t'eh freayll e yymmoose son dy bragh.

He will not alway be chiding: neither keepeth he his anger for ever.

10

Cha vel eh er ghellal rooin lurg nyn beccaghyn: ny er chooilleeney shin cordail rish nyn mee-chraueeaght;

He hath not dealt with us after our sins: nor rewarded us according to our wickednesses.

11

Son jeeagh cre cha ard as ta niau ayns co-soyllaghey jeh'n thalloo: wheesh cheddin ta e vyghin dauesyn ta goaill aggle roish.

For look how high the heaven is in comparison of the earth: so great is his mercy also toward them that fear him.

12

Jeeagh cre cha lhean as ta'n shiar veih'n sheear: choud cheddin t'eh er hoiaghey nyn beccaghyn voïn.

Look how wide also the east is from the west: so far hath he set our sins from us.

13

Dy jarroo, myr ta chymmey ec ayr er e chloan hene: myr shen ta'n Chiarn myghinagh dauesyn ta goaill aggle roish.

Yea, like as a father pitieth his own children: even so is the Lord merciful unto them that fear him.

14

Son shione da cre jeh ta shin jeant: t'eh cooinaghtyn nagh vel shin agh joan.

For he knoweth whereof we are made: he remembereth that we are but dust.

15

Cha vel laghyn dooinney agh myr faiyr: son t'eh gaase myr blaa yn vagher.

The days of man are but as grass: for he flourisheth as a flower of the field

16

Son cha leah as ta'n gheay goll harrish, te ersooyl: as cha der yn ynnyd ve ayn enney er ny sodjey.

For as soon as the wind goeth over it, it is gone: and the place thereof shall know it no more.

17

Agh ta mieys myghinagh y Chiarn farraghtyn son dy bragh as dy bragh orroosyn ta goaill aggle roish: as e chairys er cloan chlienney;

But the merciful goodness of the Lord endureth for ever and ever upon them that fear him: and his righteousness upon children's children;

18

Orroosyn dy jarroo ta freayll e chonaant: as ta smooinaghtyn er e annaghyn dy yannoo ad.

Even upon such as keep his covenant: and think upon his commandments to do them.

19

Ta'n Chiarn er hoiaghey seose e stoyl-reeoil ayns niau: as ta e reeriaght reill harrish ooilley.

The Lord hath prepared his seat in heaven: and his kingdom ruleth over all.

20

O bannee-jee yn Chiarn, shiuish e ainleyn, shiuish ta pooaral ayns niart: shiuish ta cooilleeney e harey, as ta geaishtagh rish coraa e ghoan.

O praise the Lord ye angels of his, ye that excel in strength: ye that fulfill his commandment, and hearken unto the voice of his words.

21

O bannee-jee yn Chiarn, ooilley shiuish e heshaght flaunys: shiuish e harvaantyn ta cooilleeney e aigney.

O praise the Lord, all ye his hosts: ye servants of his that do his pleasure.

22

O loayr-jee dy mie jeh'n Chiarn, ooilley shiuish e obbraghyn, ayns dy chooilley ynnyd jeh e reilltys: bannee yn Chiarn, O m'annym.

O speak good of the Lord, all ye works of his, in all places of his dominion: praise thou the Lord, O my soul.