The Bible

Clasht rish my phadjer, O Hiarn: as lhig da my eam roshtyn hood.

Hear my prayer, O Lord: and let my crying come unto thee.

Ny follee dt'eddin voym ayns earish my heaghyn: croym dty chleayshyn hym tra ta mee geamagh; O eaisht rhym, as shen dy feer leah.

Hide not thy face from me in the time of my trouble: incline thine ear unto me when I call; O hear me, and that right soon.

Son ta my laghyn er lheïe ersooyl myr jaagh: as ta my chraueyn chyrmit seose myr smarage aile.

For my days are consumed away like smoke: and my bones are burnt up as it were a firebrand.

Ta my chree er vailleil as fioghit gollrish faiyr: myr shen dy vel mee jarrood dy ee my arran.

My heart is smitten down, and withered like grass: so that I forget to eat my bread.

Kyndagh rish coraa my accan: scoan nee my chraueyn lhiantyn gys m'eill.

For the voice of my groaning: my bones will scarce cleave to my flesh.

Ta mee goll-rish y pelican 'syn aasagh: as myr yn hullad ta goaill ayns yn eaynagh.

I am become like a pelican in the wilderness: and like an owl that is in the desert.

Ta my chadley er gholl voym, as ta mee eer myr sparroo: ta soie ny-lomarcan er mullagh thie.

I have watched, and am even as it were a sparrow: that sitteth alone upon the house-top.

Ta my noidyn dy m'oltooaney fey-ny-laa: as adsyn ta eulyssagh m'oï, t'ad er vreearrey cooidjagh dy my stroie.

Mine enemies revile me all the day long: and they that are mad upon me are sworn together against me.

Son ta mee er n'ee leoie myr arran: as er heiy my yough lesh jeïr;

For I have eaten ashes as it were bread: and mingled my drink with weeping;

As shen er coontey dty yymmoose as dty chorree: son t'ou er my hroggal seose as er my hilgey sheese.

And that because of thine indignation and wrath: for thou hast taken me up, and cast me down.

Ta my laghyn er n'gholl shaghey myr scaa: as ta mee fioghit myr faiyr.

My days are gone like a shadow: and I am withered like grass.

Agh nee uss, O Hiarn, farraghtyn son dy bragh: as yn chooinaghtyn jeed trooid dy chooilley heeloghe.

But thou, O Lord, shalt endure for ever: and thy remembrance throughout all generations.

Nee oo girree as bee chymmey ayd er Sion: son te traa dy beagh myghin ayd urree, dy jarroo, ta'n traa er jeet.

Thou shalt arise, and have mercy upon Sion: for it is time that thou have mercy upon her, yea, the time is come.

As cre'n-oyr? ta dty harvaantyn smooinaghtyn er ny voallaghyn eck: as s'treih lhieu dy akin ee 'sy joan.

And why? thy servants think upon her stones: and it pitieth them to see her in the dust.

Nee ny ashoonyn aggle y ghoaill roish dt'Ennym, O Hiarn: as ooilley reeaghyn y theihll roish dt'Ard-ooashley.

The heathen shall fear thy Name, O Lord: and all the kings of the earth thy majesty;

Tra nee yn Chiarn Sion y hroggal seose: as tra vees y ghloyr echey er ny hoilshaghey;

When the Lord shall build up Sion: and when his glory shall appear;

Tra t'eh dy hyndaa eh-hene gys padjer ny boghtyn treigit: as nagh vel eh soiaghey beg jeh nyn aghin.

When he turneth him unto the prayer of the poor destitute: and despiseth not their desire.

Bee shoh er ny scrieu son cooinaghtyn da sheelogheyn ry-heet: as nee pobble nagh vel foast er ny ruggey yn Chiarn y voylley;

This shall be written for those that come after: and the people which shall be born shall praise the Lord.

Son t'eh er yeeaghyn neose veih ynnyd e chasherickys: magh ass niau hug y Chiarn yn seihll my-ner;

For he hath looked down from his sanctuary: out of the heaven did the Lord behold the earth;

Dy voddagh eh dobberan nyn lheid as ta ayns cappeeys y chlashtyn: as y chloan y livrey t'er nyn gheyrey gys baase;

That he might hear the mournings of such as are in captivity: and deliver them that are appointed unto death;

Dy voddagh ad Ennym y Chiarn y hoilshaghey ayns Sion: as e ooashley ec Jerusalem.

That they may declare the Name of the Lord in Sion: and his worship at Jerusalem;

Tra ta'n pobble er nyn jaglym cooidjagh: as ny reeriaghtyn myrgeddin dy hirveish y Chiarn.

When the people are gathered together: and the kingdoms also, to serve the Lord.

Ghow eh ersooyl my niart er my yurnah: as ren eh my laghyn giare.

He brought down my strength in my journey: and shortened my days.

Agh dooyrt mee, O my Yee, ny gow mee ersooyl ayns mean m'eash: er son dty vleeantyn's t'ad farraghtyn trooid dy chooilley heeloghe.

But I said, O my God, take me not away in the midst of mine age: as for thy years, they endure throughout all generations.

T'ou uss, Hiarn, ayns y toshiaght er hoiaghey undin y thallooin: as ta ny niaughyn obbyr dty laueyn;

Thou, Lord, in the beginning hast laid the foundation of the earth: and the heavens are the work of thy hands.

Hed adsyn naardey, agh bee uss er-mayrn: aasee ad ooilley shenn myr garmad;

They shall perish, but thou shalt endure: they all shall wax old as doth a garment;

As myr coamrey nee oo ad y chaghlaa, as bee ad er nyn gaghlaa: agh uss yn Jee cheddin, as cha jean dty vleeantyn's failleil.

And as a vesture shalt thou change them, and they shall be changed: but thou art the same, and thy years shall not fail.

Nee cloan dty harvaantyn tannaghtyn: as shassee yn sluight oc shickyr ayns dty

The children of thy servants shall continue: and their seed shall stand fast in thy sight.