The Bible


O gow-jee arrane noa gys y Chiarn: son t'eh er n'yannoo reddyn yindyssagh.

O sing unto the Lord a new song: for he hath done marvellous things.


Lesh e laue yesh hene, as lesh e roih chasherick: t'eh er gheddyn da hene yn varriaght

With his own right hand, and with his holy arm: hath he gotten himself the victory.


Ta'n Chiarn er hoilshaghey e haualtys: e chairys t'eh er hoiaghey magh dy foshlit ayns shilley ny ashoonyn.

The Lord declared his salvation: his righteousness hath he openly shewed in the sight of the heathen.


T'eh er chooinaghtyn er e vyghin as e ynrickys gys thie Israel: as ta ny ardjyn sodjey mooie jeh'n theihll er vakin saualtys y Jee ain.

He hath remembered his mercy and truth toward the house of Israel: and all the ends of the world have seen the salvation of our God.


Jeeagh-jee shiu hene gennal gys y Chiarn, ooilley shiuish cheeraghyn: gow-jee arrane, gow-jee boggey, as cur-jee booise.

Shew yourselves joyful unto the Lord, all ye lands: sing, rejoice, and give thanks.


Moylley-jee yn Chiarn er y chlaasagh: gow-jee arrane marish y chlaasagh lesh psalm dy hoyrt-booise.

Praise the Lord upon the harp: sing to the harp with a psalm of thanksgiving.


Lesh cayrnyn myrgeddin as shawmyn: O jeeagh-jee shiu hene gennal kiongoyrt rish y Chiarn y Ree.

With trumpets also and shawms: O shew yourselves joyful before the Lord the King.


Lhig da'n faarkey feiyr y yannoo, as ooilley ny t'ayn: yn seihll cruin, as adsyn ta baghey ayn.

Let the sea make a noise, and all that therein is: the round world, and they that dwell therein.


Lhig da ny thooillaghyn nyn massyn y woalley, as lhig da ny croink ve gennal cooidjagh kiongoyrt rish y Chiarn: son t'eh cheet dy vriwnys y thalloo.

Let the floods clap their hands, and let the hills be joyful together before the Lord: for he is come to judge the earth.


Lesh ynrickys nee eh yn seihll y vriwnys: as y pobble lesh cairys.

With righteousness shall he judge the world: and the people with equity.