The Bible


Ta'n Chiarn yn Ree, foddee'n seihll goaill boggey jeh: dy jarroo foddee ny ymmodee ellanyn boggey 'ghoaill jeh.

The Lord is King, the earth may be glad thereof: yea, the multitude of the isles may be glad thereof.


Ta bodjallyn as dorraghys mygeayrt-y-mysh: ta cairys as briwnys coamrey e stoyl-reeoil.

Clouds and darkness are round about him: righteousness and judgement are the habitation of his seat.


Hed aile magh roish: as loshtee eh seose e noidyn er dy chooilley heu.

There shall go a fire before him: and burn up his enemies on every side.


Ren ny tendreilyn echey soilshey y choyrt da'n seihll: honnick y thalloo shen, as ve agglit.

His lightnings gave shine unto the world: the earth saw it, and was afraid.


Ren ny croink lheïe goll-rish kere ec fenish y Chiarn: ec fenish Chiarn y slane seihll.

The hills melted like wax at the presence of the Lord: at the presence of the Lord of the whole earth.


Ta ny niaughyn er hoilshaghey e chairys: as ta ooilley yn pobble er vakin e ghloyr.

The heavens have declared his righteousness: and all the people have seen his glory.


Bee adsyn ooilley er nyn goyrt gys nearey ta cur ooashley da jallooyn grainnit, as ta goaill taitnys ayns Jeeghyn fardalagh: cur-jee ooashley dasyn, ooilley shiuish Yeeghyn.

Confounded be all they that worship carved images, and that delight in vain gods: worship him, all ye gods.


Cheayll Sion jeh shoh, as ghow ee boggey: as va inneenyn Yudah gennal, er graih dty vriwnyssyn, O Hiarn.

Sion heard of it, and rejoiced, and the daughters of Judah were glad: because of thy judgements, O Lord.


Son t'ou uss, Hiarn, ny syrjey na adsyn ooilley t'er y. thalloo: t'ou er dty hoiaghey seose foddey erskyn dy chooilley Yee.

For thou, Lord, art higher than all that are in the earth: thou art exalted far above all gods.


O shiuish ta graihagh er y Chiarn, jeeagh-jee dy der shiu dwoaie da'n olk: ta'n Chiarn coadey anmeenyn e nooghyn; nee eh ad y livrey veih laue ny mee-chrauee.

O ye that love the Lord, see that ye hate the thing which is evil: the Lord preserveth the souls of his saints; he shall deliver them from the hand of the ungodly.


Ta soilshey er n'irree son y vooinjer chairagh: as gennallys gherjoilagh dauesyn ta dy chree firrinagh.

There is sprung up a light for the righteous: and joyful gladness for such as are true-hearted.


Gow-jee boggey ayns y Chiarn, shiuish sleih ynrick: as cur-jee booise ayns cooinaghtyn jeh e chasherickys.

Rejoice in the Lord, ye righteous: and give thanks for a remembrance of his holiness.