The Bible


O gow-jee arrane noa da'n Chiarn: gow-jee arrane da'n Chiarn, ooilley yn slane seihll.

O sing unto the Lord a new song: sing unto the Lord, all the whole earth.


Gow-jee arrane da'n Chiarn, as moylley-jee yn Ennym echey: insh-jee magh e haualtys veih laa dy laa.

Sing unto the Lord, and praise his Name: be telling of his salvation from day to day.


Jean-jee e ooashley y hoilshaghey da ny ashoonyn-quaagh: as e yindyssyn da dy chooilley phobble.

Declare his honour unto the heathen: and his wonders unto all people.


Son ta'n Chiarn mooar, as cha vod eh dy feeu 've er ny voylley: ta ny smoo dy aggle dy ve goit roishyn na dy chooilley Yee.

For the Lord is great, and cannot worthily be praised: he is more to be feared than all gods.


Son cha vel ooilley jeeghyn ny ashoonyn agh jallooyn: agh she'n Chiarn chroo ny niaughyn.

As for all the gods of the heathen, they are but idols: but it is the Lord that made the heavens.


Ta gloyr as ooashley ayns e enish: ta pooar as onnor ayns ynnyd e chasherickys.

Glory and worship are before him: power and honour are in his sanctuary.


Cur-jee da'n Chiarn, O shiuish chynneeyn y phobble: cheb-jee da'n Chiarn ooashley as pooar.

Ascribe unto the Lord, O ye kindreds of the people: ascribe unto the Lord worship and power.


Cur-jee da'n Chiarn yn onnor cair da'n Ennym echey: cheb-jee ourallyn, as tar-jee stiagh ayns e chooyrtyn.

Ascribe unto the Lord the honour due unto his Name: bring presents, and come into his courts.


O cur-jee ooashley da'n Chiarn ayns yn ynnyd aalin dy chasherickys: lhig da'n slane seihll 've arrymagh ayns e enish.

O worship the Lord in the beauty of holiness: let the whole earth stand in awe of him.


Insh-jee mastey ny ashoonyn, dy nee yn Chiarn y Ree: as dy nee eshyn eh t'er n'yannoo yn seihll runt cha shickyr nagh vod eh ve er ny scughey, as kys dy jean eh yn pobble y vriwnys dy cairagh.

Tell it out among the heathen that the Lord is King: and that it is he who hath made the round world so fast that it cannot be moved; and how that he shall judge the people righteously.


Lhig da ny niaughyn goaill boggey, as lhig da'n thalloo 've gennal: lhig da'n faarkey feiyral, as ooilley ny t'ayn.

Let the heavens rejoice, and let the earth be glad: let the sea make a noise, and all that therein is.


Lhig da'n magher 've lane dy voggey as ooilley ny t'ayn: eisht nee ooilley biljyn y cheyll boggey 'ghoaill kiongoyrt rish y Chiarn.

Let the field be joyful, and all that is in it: then shall all the trees of the wood rejoice before the Lord.


Son t'eh cheet, t'eh cheet dy vriwnys y thalloo: as lesh cairys dy vriwnys y seihll, as y pobble lesh e ynrickys.

For he cometh, for he cometh to judge the earth: and with righteousness to judge the world, and the people with his truth.