The Bible


Te red gerjoilagh dy chur booise da'n Chiarn: as dy ghoaill arraneyn-moyllee gys dt'Ennym's, O Uss smoo syrjey.

It is a good thing to give thanks unto the Lord: and to sing praises unto thy Name, O most Highest.


Dy insh jeh dty chenjallys-ghraihagh dy moghey 'sy voghrey: as jeh dt'ynrickys ayns traa ny hoie.

To tell of thy loving-kindness early in the morning: and of thy truth in the nightseason;


Er greïe-chiaull dy yheih strengyn, as er y lute: er greïe ard, as er y chlaasagh.

Upon an instrument of ten strings and upon the lute: upon a loud instrument, and upon the harp.


Son t'ou uss, Hiarn, er my yannoo gennal trooid dt'obbraghyn: as goym boggey ayns coyrt moylley son obbraghyn dty laueyn.

For thou, Lord hast made me glad through thy works: and I will rejoice in giving praise for the operations of thy hands.


O Hiarn, cre cha gloyroil as ta dt'obbraghyn: ta dty smooinaghtyn feer dowin!

O Lord, how glorious are thy works: thy thoughts are very deep.


Cha vel dooinney neu-chreeney cur tastey mie da shoh: as cha vel ommydan dy hoiggal eh.

An unwise man doth not well consider this: and a fool doth not understand it.


Tra ta'n vee-chrauee glass myr y faiyr, as tra t'adsyn ooilley ta gobbraghey olkys bishaghey: eisht bee ad er nyn stroie son dy bragh: agh uss, Hiarn, yn Fer smoo syrjey son dy bragh.

When the ungodly are green as the grass, and when all the workers of wickedness do flourish: then shall they be destroyed forever: but thou, Lord: art the most Highest for evermore.


Son cur-my-ner, nee dty noidyn, O Hiarn, cur-my-ner, nee dty noidyn cherraghtyn: as bee adsyn ooilley ta gobbraghey mee-chraueeaght er nyn stroie;

For lo, thine enemies, O Lord, lo, thine enemies shall perish: and all the workers of wickedness shall be destroyed.


Agh bee my chione's er ny hroggal seose myr eairk unicorn: son ta mee er m'ooillaghey lesh ooil noa.

But mine horn shall be exalted like the horn of an unicorn: for I am anointed with fresh oil.


Hee my hooill neesht e aigney er my noidyn: as nee my chleaysh clashtyn e yeearree er ny mee-chrauee ta girree magh m'oï.

Mine eye also shall see his lust of mine enemies: and mine ear shall hear his desire of the wicked that arise up against me.


Nee yn dooinney cairagh blaaghey myr y billey-palm: as skeayley dy lhean myr y billey-cedar ayns Libanus.

The righteous shall flourish like a palm tree: and shall spread abroad like a cedar in Libanus.


Nee nyn lheid as t'er nyn soiaghey ayns thie yn Chiarn: bishaghey ayns cooyrtyn thie yn Jee ain.

Such as are planted in the house of the Lord: shall flourish in the courts of the house of our God.


Ver ad magh neesht ny smoo dy vess ayns nyn shenn eash: as bee ad roauyr as jeeaghyn dy mie.

They also shall bring forth more fruit in their age: and shall be fat and well-liking.


Dy vod ad soilshaghey cre cha firrinagh as ta'n Chiarn my niart as nagh vel veg y neu-ynrickys aynsyn.

That they may shew how true the Lord my strength is: and that there is no unrighteousness in him.