The Bible


Croym dty chleaysh, O Hiarn, as clasht rhym: son ta mee boght, as ayns treihys.

Bow down thine ear, O Lord, and hear me: for I am poor, and in misery.


Freill uss m'annym, son ta mee ynrick: my Yee, saue dty harvaant ta coyrt e hreishteil ayn-yds.

Preserve thou my soul, for I am holy: my God, save thy servant that putteth his trust in thee.


Bee trocoil dooys, O Hiarn: son nee'm geamagh orts gagh-laa.

Be merciful unto me, O Lord: for I will call daily upon thee.


Gerjee annym dty harvaant: son hoods O Hiarn, ta mee troggal seose m'annym.

Comfort the soul of thy servant: for unto thee, O Lord, do I lift up my soul.


Son t'ou uss, Hiarn, mie as graysoil: as jeh myghin vooar dauesyn ooilley ta geamagh ort.

For thou, Lord, art good and gracious: and of great mercy unto all them that call upon thee.


Cur clashtyn, Hiarn, da my phadjer: as smooinee er coraa my aghin's imlee.

Give ear, Lord, unto my prayer: and ponder the voice of my humble desires.


Ayns earish my heaghyn nee'm geamagh ort: son t'ou dy my chlashtyn.

In the time of my trouble I will call upon thee: for thou hearest me.


Mastey ny Jeeghyn cha vel unnane erbee casley rhyts, O Hiarn: cha vel unnane oddys jannoo myr t'ou uss dy yannoo.

Among the gods there is none like unto thee, O Lord: there is not one that can do as thou doest.


Hig ooilley ny ashoonyn t'ou er yannoo, as ver ad ooashley dhyts, O Hiarn: as nee ad dt'Ennym y ghloyraghey.

All nations whom thou hast made shall come and worship thee, O Lord: and shall glorify thy Name.


Son t'ou uss ard, as jannoo reddyn yindyssagh: uss yn ynrycan Jee.

For thou art great, and doest wondrous things: thou art God alone.


Ynsee dooys dty raad, O Hiarn, as nee'm gimmeeaght ayns dt'irriney: O jean my chree y sniemmey hood, dy voddym aggle y ghoaill roish dt'Ennym.

Teach me thy way, O Lord, and I will walk in thy truth: O knit my heart unto thee, that I may fear thy Name.


Ver-ym booise dhyts, O Hiarn my Yee, lesh ooilley my chree: as nee'm dt'Ennym y voylley son dy bragh.

I will thank thee, O Lord my God, with all my heart: and will praise thy Name for evermore.


Son s'mooar ta dty vyghin hym's: as t'ou er livrey m'annym veih diunid ny hoaie.

For great is thy mercy toward me: and thou hast delivered my soul from the nethermost hell.


O Yee, ta ny mooaralee er nirree magh m'oï: as ta sheshaght dy ghrogh 'leih er hirrey lurg m'annym, as cha vel ad er hoiaghey uss kiongoyrt rish ny sooillyn oc.

O God, the proud are risen against me: and the congregations of violent men have sought after my soul, and have not set thee before their eyes.


Agh t'ou uss, O Hiarn Yee, lane dy hymmey as dy vyghin: surranse-foddey, feoilt ayns mieys as firrinys.

But thou, O Lord God, art full of compassion and mercy: long-suffering, plenteous in goodness and truth.


O chyndaa uss eisht hym's, as jean myghin orrym: cur dty niart da dty harvaant, as cooin lesh mac dt'inney-veyl.

O turn thee then unto me, and have mercy upon me: give thy strength unto thy servant, and help the son of thine handmaid.


Soilshee orrym cowrey ennagh jeh dt'oayr, dy vod adsyn ta feoh oc orrym shen y akin, as goaill nearey: er-y-fa dy vel uss, Hiarn, er chooney lhiam, as er my gherjaghey.

Shew some token upon me for good, that they who hate me may see it, and be ashamed: because thou, Lord, hast holpen me and comforted me.