The Bible


O cre cha eunyssagh ta dty chummallyn: uss Hiarn dy heshaght flaunys!

O how amiable are thy dwellings: thou Lord of hosts.


Ta m'annym geearree as goaill foddeeaght dy gholl stiagh ayns cooyrtyn y Chiarn: ta my chree as m'eill goaill boggey ayns y Jee bio.

My soul hath a desire and longing to enter into the courts of the Lord: my heart and my flesh rejoice in the living God.


Ta'n sparroo hene er gheddyn ynnyd, as yn gollan-geayee edd raad oddys ee e hein y hroggal: dy jarroo ny altaryn ayd's, O Hiarn jeh'n cheshaght flaunyssagh, my Ree as my Yee.

Yea, the sparrow hath found her an house, and the swallow a nest where she may lay her young: even thy altars, O Lord of hosts, my King and my God.


Bannit t'adsyn ta baghey ayns dty hie: bee ad dy kinjagh cur moylley dhyt.

Blessed are they that dwell in thy house: they will be alway praising thee.


Bannit da'n dooinney ta'n niart echey aynyd's: ayns e chree ta ny raaidyn ayd's.

Blessed is the man whose strength is in thee: in whose heart are thy ways.


Quoi ga dy vel eh goll trooid coan dy hreihys, t'eh jeeaghyn er myr farrane: as myr puill er nyn lhieeney lesh ushtey.

Who going through the vale of misery use it for a well: and the pools are filled with water.


Hed ad veih niart gys niart: as ta dagh unnane oc chebbal eh-hene fenish yn Jee dy Yeeghyn ayns Sion.

They will go from strength to strength: and unto the God of gods appeareth every one of them in Sion.


O Hiarn Yee dy heshaght flaunys, clasht rish my phadjer: eaisht, O Yee Yacob.

O Lord God of hosts, hear my prayer: hearken, O God of Jacob.


Cur-my-ner, O Yee nyn vendeilagh: as jeeagh er eddin dt'er-ooilit.

Behold, O God our defender: and look upon the face of thine anointed.


Son ta un laa ayns dty chooyrtyn: ny share na thousane.

For one day in thy courts: is better than a thousand.


Baare lhiam currym y dorrys y ve orrym ayns thie my Yee: na dy vaghey ayns cabbaneyn ny mee-chrauee.

I had rather be a door-keeper in the house of my God: than to dwell in the tents of ungodliness.


Son ta'n Chiarn Jee ny hoilshey as fendeilagh: ver y Chiarn grayse as gloyr: as cha bee nhee mie erbee er ny chummal vouesyn ta leeideil bea chrauee.

For the Lord God is a light and defence: the Lord will give grace and worship, and no good thing shall he withhold from them that live a godly life.


O Hiarn Yee dy heshaght flaunys; bannit ta'n dooinney ta cur e hreishteil aynyds.

O Lord God of hosts: blessed is the man that putteth his trust in thee.