The Bible


Yee, ta ny ashoonyn-quaagh er jeet stiagh ayns dt'eiraght: dty hiamble casherick t'ad er yannoo neu-ghlen, as er yannoo Jerusalem carnane dy chlaghyn.

O God, the heathen are come into thine inheritance: thy holy temple have they defiled, and made Jerusalem an heap of stones.


Kirp marroo dty harvaantyn t'ad er choyrt dy ve beaghey da eeanlee'n aer: as feill dty nooghyn da beïyn y thallooin.

The dead bodies of thy servants have they given to be meat unto the fowls of the air: and the flesh of thy saints unto the beasts of the land.


Yn uill oc t'ad er gheayrtey myr ushtey er dy chooilley heu dy Yerusalem: as cha row dooinney erbee dy oanluckey ad.

Their blood have they shed like water on every side of Jerusalem: and there was no man to bury them.


Ta shiu er jeet dy ve nearey foshlit da nyn noidyn: eer craid as faghid dauesyn ta mygeayrt-y-mooin.

We are become an open shame to our enemies: a very scorn and derision unto them that are round about us.


Hiarn, caïd vees oo corree: jean dty eadolys lostey myr aile son dy bragh?

Lord, how long wilt thou be angry: shall thy jealousy burn like fire for ever?


Deayrt magh dt'eulys er ny ashoonyn nagh vel er choyrt enney orts: as er ny reeriaghtyn nagh vel er n'eamagh er dt'Ennym;

Pour out thine indignation upon the heathen that have not known thee: and upon the kingdoms that have not called upon thy Name.


Son t'ad er choyrt mow Jacob: as er choyrt naardey e ynnyd-vaghee.

For they have devoured Jacob: and laid waste his dwelling-place.


O ny cooinee er ny shenn pheccaghyn ain, agh jean myghin orrin, as shen dy leah: son ta shin er jeet gys treihys vooar.

O remember not our old sins, but have mercy upon us, and that soon: for we are come to great misery.


Cooin lhien, O Yee jeh nyn saualtys, son gloyr dt'Ennym: O livrey shin, as bee myghinagh da nyn beccaghyn son graih dty Ennym.

Help us, O God of our salvation, for the glory of thy Name: O deliver us, and be merciful unto our sin, for thy Name's sake.


Cre'n-fa ta ny ashoonyn-quaagh gra: Cre vel nish yn Jee oc?

Wherefore do the heathen say: Where is now their God?


O lhig da kerraghey fuill dty harvaantyn t'er ny gheayrtey: ve dy foshlit er ny hoilshaghey er ny ashoonyn-quaagh 'sy chilley ain.

O let the vengeance of thy servants' blood that is shed: be openly shewed among the heathen in our sight.


O lhig da osnaghyn trimshagh ny pryssoonee cheet kiongoyrt rhyt: cordail rish mooadys dty phooar, jean uss adsyn y choadey t'er nyn oardaghey gys baase;

O let the sorrowful sighing of the prisoners come before thee: according to the greatness of thy power, preserve thou those that are appointed to die.


As son ny goan mollaghtagh lhieu ta nyn naboonyn er dty oltooaney: jean uss ad y chooilleeney, O Hiarn, shiaght filley ayns yn oghrish oc.

And for the blasphemy wherewith our neighbours have blasphemed thee: reward thou them, O Lord, sevenfold into their bosom.


Myr shen ver shinyn ta dty phobble, as kirree dty phastyr, booise dhyts son dy bragh: as bee mayd dy kinjagh soilshaghey magh dty voylley veih sheeloghe gys sheeloghe.

So we, that are thy people, and sheep of thy pasture, shall give thee thanks for ever: and will alway be shewing forth thy praise from generation to generation.