The Bible


Eam-ym gys Jee lesh my choraa: dy jarroo gys Jee nee'm geamagh lesh my choraa, as nee eh m'y chlashtyn.

I will cry unto God with my voice: even unto God will I cry with my voice, and he shall hearken unto me.


Ayns traa my heaghyn hirr mee yn Chiarn: ren my hing roie, as cha ghow eh fea fud-ny-hoie; ren m'annym gerjagh y obbal.

In the time of my trouble I sought the Lord: I stretched forth my hands unto him and ceased not in the nightseason; my soul refused comfort.


Tra ta mee ayns trimshey, smooinee-ym er Jee: tra ta my chree seaghnit, nee'm gaccan.

When I am in heaviness, I will think upon God: when my heart is vexed, I will complain.


T'ou cummal my hooillyn dooisht: ta mee cha annoon nagh voddym loayrt.

Thou holdest mine eyes waking: I am so feeble, that I cannot speak.


Ta mee er smooinaghtyn rhym pene er laghyn y chenn earish: as er ny bleeantyn t'er n'gholl shaghey.

I have considered the days of old: and the years that are past.


Ta mee tayrn gys cooinaghtyn m'arrane: as ayns yn oie ta mee resooney rish my chree hene, as ronsaghey magh m'annym.

I call to remembrance my song: and in the night I commune with mine own heart, and search out my spirit.


Jean y Chiarn eh-hene y reayll voym son dy bragh: as nagh bee eh foayroil arragh?

Will the Lord absent himself for ever: and will he be no more entreated?


Vel e vyghin dy slane er n'immeeaght son dy bragh: as vel e yialdyn er jeet dy bollagh gys jerrey br??

Is his mercy clean gone for ever: and his promise come to an end for evermore?


Vel Jee er yarrood dy ve graysoil: as jean eh dooney e chenjallys-ghraihagh ayns jymmoose?

Hath God forgotten to be gracious: and will he shut up his loving-kindness in displeasure?


As dooyrt mee, She m'annooinid hene eh: agh cooinee-yms er bleeantyn laue yesh yn Er smoo syrjey.

And I said, It is mine own infirmity: but I will remember the years of the right hand of the Most Highest.


Nee'm cooinaghtyn er obbraghyn y Chiarn: as tayrn-ym gys my smooinaghtyn ny yindyssyn ayds ayns y chenn earish.

I will remember the works of the Lord: and call to mind thy wonders of old time.


Nee'm smooinaghtyn myrgeddin er ooilley dt' obbraghyn: as bee my haggloo jeh dty yannoo.

I will think also of all thy works: and my talking shall be of thy doings.


Dty raad, O Yee, te casherick: quoi eh ta Jee cha niartal as y Jee ain?

Thy way, O God, is holy: who is so great a God as our God?


Uss y Jee ta jannoo yindyssyn: as t'er hoilshaghey dty phooar mastey'n pobble.

Thou art the God that doeth wonders: and hast declared thy power among the peoples.


T'ou dy niartal er livrey dty phobble: dy jarroo mec Yacob as Yoseph.

Thou hast mightily delivered thy people: even the sons of Jacob and Joseph.


Honnick ny ushtaghyn oo, O Yee, honnick ny ushtaghyn oo, as v'ad agglit: ny diunidyn myrgeddin v'ad er nyn seiy.

The waters saw thee, O God, the waters saw thee, and were afraid: the depths also were troubled.


Gheayrt ny bodjallyn magh ushtey, ren yn aer taarnaghey: as hie dty hideyn magh dy lhean.

The clouds poured out water, the air thundered: and thine arrows went abroad.


Va feiyr dty haarnagh er ny chlashtyn dy chooilley raad mygeayrt: ren dty hendreil cur soilshey er y thalloo, va'n ooir er ny ghleashaght, as ooilley ercreau.

The voice of thy thunder was heard round about: the lightnings shone upon the ground; the earth was moved, and shook withal.


Ta dty raad ayns yn aarkey, as dty chassanyn ayns ny ushtaghyn mooarey: as kesmadyn dty choshey, cha vel ad er nyn gronnaghey.

Thy way was in the sea, and thy paths in the great waters: and thy footsteps were not known.


Ren oo dty phobble y leeideil myr kirree: liorish laueyn Voses as Aaron.

Thou leddest thy people like sheep: by the hand of Moses and Aaron.