The Bible

1

Ayns Judea ta enney er ny choyrt er Jee: ta'n ennym echey mooar ayns Israel.

In Jewry is God known: his Name is great in Israel.

2

Ec Salem ta e chabbane-agglish: as e chummal ayns Sion.

At Salem is his tabernacle: and his dwelling in Sion.

3

Ayns shen vrish eh sideyn y vhow: yn shleiy, yn cliwe, as y ghreïe-chaggee.

There brake he the arrows of the bow: the shield, the sword, and the battle.

4

T'ou jeh onnor as niart smoo: na croink ny roosteyryn.

Thou art glorious in might: when thou comest from the hills of the robbers.

5

Ta'n vooinjer voyrnagh er nyn roostey, t'ad er ghoaill nyn gadley baaish: as ooilley ny deiney va ny laueyn oc niartal, cha vel ad er gheddyn monney.

The proud are robbed, they have slept their sleep: and all the men whose hands were mighty have found nothing.

6

Ec yn oghsan ayds, O Yee Yacob: ta chammah yn ainagh as y cabbyl er duittym.

At thy rebuke, O God of Jacob: both the chariot and horse are fallen.

7

T'ou uss, dy jarroo uss as aggle dy ve er ny ghoaill royd: as quoi oddys shassoo ayns dty hilley tra t'ou corree?

Thou, even thou art to be feared: and who may stand in thy sight when thou art angry?

8

Hug oo er dty vriwnys dy ve er ny chlashtyn veih niau: va'n ooir er-creau, as ve ny-host,

Thou didst cause thy judgement to be heard from heaven: the earth trembled, and was still,

9

Tra dirree Jee gys briwnys: as dy chooney lesh ooilley yn vooinjer imlee er y thalloo.

When God arose to judgement: and to help all the meek upon earth.

10

Nee elgys dooinney chyndaa gys dty voylley: as yn elgys ocsyn nee uss eh y smaghtaghey.

The fierceness of man shall turn to thy praise: and the fierceness of them shalt thou refrain.

11

Jean-jee gialdyn da'n Chiarn y Jee eu as cooilleen-jee eh, ooilley shiuish ta mygeayrt-y-mysh: cur-jee lhieu giootyn huggeysyn lhisagh aggle ve goit roish.

Promise unto the Lord your God, and keep it, all ye that are round about him: bring presents unto him that ought to be feared.

12

Nee eshyn ginjillaghey spyrryd princeyn: as t'eh yindyssagh mastey reeaghyn y thallooin.

He shall refrain the spirit of princes: and is wonderful among the kings of the earth.