The Bible


Aynyd's, O Hiarn, ta mee er choyrt my hreishteil; ny lhig dou dy bragh v'er my choyrt gys nearey: agh feayshil orrym, as livrey mee ayns dty chairys; croym dty chleaysh hym, as saue mee.

In thee, O Lord, have I put my trust, let me never be put to confusion: but rid me and deliver me in thy righteousness, incline thine ear unto me, and save me.


Bee oo my chummal lajer, huggey oddym's kinjagh goll son sauchys: t'ou er yialdyn dy chooney lhiam; son oo thie m'endeilys as my chashtal.

Be thou my strong hold, whereunto I may alway resort: thou hast promised to help me, for thou art my house of defence and my castle.


Livrey mee, O my Yee, veih pooar ny mee-chrauee: veih laue yn dooinney neuchairagh as dewil.

Deliver me, O my God, out of the hand of the ungodly: out of the hand of the unrighteous and cruel man.


Son dty lurg's, O Hiarn Yee ta mee goaill foddeeaght: uss my hreishteil, dy jarroo veih m'aegid.

For thou, O Lord God, art the thing that I long for: thou art my hope, even from my youth.


Liort's ta mee er ny chummal seose neayr as ruggyr mee: uss ren m'y ghoaill ass breïn my vayrey: bee my voylley dy bragh jeeds.

Through thee have I been holden up ever since I was born: thou art he that took me out of my mother's womb; my praise shall be always of thee.


Ta mee er jeet dy ve shilley agglagh da ymmodee: agh ta my hreishteil shickyr aynyds.

I am become as it were a monster unto many: but my sure trust is in thee.


O lhig da my veeal v'er ny lhieeney lesh dty voylley: dy voddym arrane y ghoaill jeh dty ghloyr as dty onnor slane lhiurid y laa.

O let my mouth be filled with praise: that I may sing of thy glory and honour all the day long.


Ny tilg mee ersooyl ayns my henn eash: ny treig mee tra ta my niart dy m'ailleil;

Cast me not away in the time of age: forsake me not when my strength faileth me.


Son ta my noidyn loayrt m'oï, as t'adsyn ta lhie farkiaght son m'annym, coyrt nyn goyrle dy cheilley, gra; Ta Jee er hreigeil eh; eiyr-jee er, as gow-jee eh; son cha vel fer erbee dy livrey eh.

For mine enemies speak against me: and they that lay wait for my soul take their counsel together, saying; God hath forsaken him: persecute him, and take him, for there is none to deliver him.


Ny gow foddey voym, O Yee: my Yee, jean siyr dy chooney lhiam.

Go not far from me, O God: my God, hast thou to help me.


Lhig dauesyn ta noi m'annym ve er nyn goyrt mow as cherraghtyn: lhig daue ve coodit lesh nearey as mee-ooashley ta shirrey dy yannoo aggair dou.

Let them be confounded and perish that are against my soul: let them be covered with shame and dishonour that seek to do me evil.


Agh er my hon's nee'm dy meen farkiaght dy kinjagh: as moyll-ym oo ny smoo as ny smoo.

As for me, I will patiently abide alway: and will praise thee more and more.


Loayr-ee my veeal dagh laa jeh dty chairys as jeh dty livrey-ys: son cha nhione dou yn earroo oc.

My mouth shall daily speak of thy righteousness and salvation: for I know no end thereof.


Hem magh ayns niart y Chiarn Jee: as loayr-ym ynrycan jeh dty chairys.

I will go forth in the strength of the Lord God: and will make mention of thy righteousness only.


T'ou uss, O Yee, er m'ynsaghey veih m'aegid derrey nish: shen-y-fa soilshee-yms magh dty obbraghyn yindyssagh.

Thou, O God, hast taught me from my youth up until now: therefore will I tell of thy wondrous works.


Ny treig mee O Yee, ayns my henn eash, tra ta my chione lheeah. derrey ta mee er hoilshaghey dty niart da'n cheeloghe shoh, as dty phooar dauesyn ooilley ta foast ry-hoi cheet.

Forsake me not, O God, in mine old age, when I am gray-headed: until I have shewed thy strength unto this generation, and thy power to all them that are yet for to come.


Ta dty chairys, O Yee, feer ard, as s'mooar ny reddyn shen t'ou er n'yannoo: O Yee, quoi ta dy ve er ny hoyllaghey hoods!

Thy righteousness, O God, is very high: and great things are they that thou hast done; O God, who is like unto thee?


O cre'n seaghyn as yn arkys trome t'ou er choyrt my raad! as foast hyndaa oo as ren oo mee y ooraghey: dy jarroo, as hug oo lhiat mee reesht veih diunid ny hooirey.

O what great troubles and adversities hast thou shewed me! and yet didst thou turn and refresh me: ye, and broughtest me from the deep of the earth again.


T'ou er chur lhiat mee gys onnor as er my gherjaghey er dy chooilley heu;

Thou hast brought me to great honour: and comforted me on every side.


Shen-y-fa nee'm uss as dt'irriney y voylley, O Yee, cloie er greïe dy vingys: hoods goym arrane er y chlaasagh, O uss er-casherick dy Israel.

Therefore will I praise thee and thy faithfulness, O God, playing upon an instrument of musick: unto thee will I sing upon the harp, O thou Holy One of Israel.


Bee my veillyn gennal tra ta mee goaill arrane hoods: as myr shen vees m'annym t'ou uss er ny livrey.

My lips will be fain when I sing unto thee: and so will my soul whom thou hast delivered.


Nee my hengey myrgeddin loayrt jeh dty chairys fey-ny-laa: son t'ad er nyn goyrt mow as er nyn goyrt lhieu gys nearey, ta shirrey olk y yannoo dooys.

My tongue also shall talk of thy righteousness all the day long: for they are confounded and brought unto shame that seek to do me evil.