The Bible


T'ou uss, O Yee, er ny voylley ayns Sion: as dhyts vees y breearrey er ny chooilleeney ayns Jerusalem.

Thou, O God, art praised in Sion: and unto thee shall the vow be performed in Jerusalem.


Uss ta clashtyn y phadjer: hoods nee dy chooilley eill cheet.

Thou that hearest the prayer: unto thee shall all flesh come.


Ta my ghrogh-yannoo geddyn y varriaght orrym: O bee uss myghinagh da nyn beccaghyn.

My misdeeds prevail against me: O be thou merciful unto our sins.


Bannit ta'n dooinney t'ou uss dy reih as dy ghoaill hood hene: nee eh baghey ayns dty chooyrt, as bee eh jeant magh lesh eunyssyn dty hie, dy jarroo dy dty hiamble casherick.

Blessed is the man, whom thou choosest, and receivest unto thee: he shall dwell in thy court, and shall be satisfied with the pleasures of thy house, even of thy holy temple.


Nee oo jeeaghyn dooin reddyn yindyssagh ayns dty chairys, O Yee nyn Saualtys: uss ta sauchys ooilley king y theihll, as dauesyn ta cummal er y faarkey-lhean.

Thou shalt shew us wonderful things in thy righteousness, O God of our salvation: thou that art the hope of all the ends of the earth, and of them that remain in the broad sea.


Ta ayns e niart soiaghey ny sleityn dy shickyr: as t'er ny choamrey lesh pooar.

Who in his strength settest fast the mountains: and is girded about with power.


Ta kuinaghey sterrym ny marrey: as feiyr ny tonnyn echey, as mee-reilltys y phobble.

Who stilleth the raging of the sea: and the noise of his waves, and the madness of the people.


Adsyn myrgeddin ta baghey ayns ny ayrnyn sodjey-magh jeh'n seihll, vees agglagh roish dty chowraghyn: uss ta cur er immeeaght y voghrey as yn astyr dy chur dhyt moylley.

They also that dwell in the uttermost parts of the earth shall be afraid at thy tokens: thou that makest the outgoings of the morning and evening to praise thee.


T'ou jeeaghyn er y thalloo, as dy vannaghey eh: t'ou jannoo eh feer vessoil.

Thou visitest the earth, and blessest it: thou makest it very plenteous.


Ta awin Yee lane dy ushtey: t'ou cur er yn arroo oc bishaghey; son myr shoh t'ou kiarail son y seihll.

The river of God is full of water: thou preparest their corn, for so thou providest for the earth.


T'ou gushtaghey ny creaghyn eck t'ou cur fliaghey neose er ny coanyn beggey eck: t'ou boggaghey ee lesh ny bineyn dy liaghey, as bannaghey yn mess eck.

Thou waterest her furrows, thou sendest rain into the little valleys thereof: thou makest it soft with the drops of rain, and blessest the increase of it.


T'ou coamrey yn vleïn lesh dty vieys: as ta dty vodjallyn shilley neose meeaylys.

Thou crownest the year with thy goodness: and thy clouds drop fatness.


Nee ad shilley neose er cummallyn yn aasagh, as gow-ee ny croink veggey boggey er dagh cheu,

They shall drop upon the dwellings of the wilderness: and the little hills shall rejoice on every side.


Bee ny bwoailtchyn lane dy chirree: nee ny coanyn myrgeddin shassoo cha chiu lesh arroo, dy jean ad gearrey as goaill arrane.

The folds shall be full of sheep: the valleys also shall stand so thick with corn, that they shall laugh and sing.