The Bible

1

O Yee, uss my Yee: dy moghey nee'm dty hirrey.

O God, thou art my God: early will I seek thee.

2

Ta m'annym paagh er dty hon, ta m'eill myrgeddin goaill foddeeaght dty yeï: ayns thalloo gennish as chirrym raad nagh vel veg yn ushtey.

My soul thirsteth for thee, my flesh also longeth after thee: in a barren and dry land where no water is.

3

Myr shoh ta mee er yeeaghyn er dty hon ayns casherickys: dy voddin dty phooar as dty ghloyr y akin.

Thus have I looked for thee in the sanctuary: that I might behold thy power and glory.

4

Son ta dty chenjallys-ghraihagh ny share na'n vioys hene: nee my veillyn oo y voylley.

For thy loving-kindness is better than the life itself: my lips shall praise thee.

5

Choud's vee'm bio ver-ym ard-voylley dhyt er yn aght shoh: as trog-ym seose my laueyn ayns dt'ennym.

As long as I live will I magnify thee on this manner: and lift up my hands in thy Name.

6

Bee m'annym er ny yannoo magh, dy jarroo myr dy beagh eh lesh smuir as meeaylys tra ta my veeal dy dty voylley lesh meillyn gerjoil.

My soul shall be satisfied, even as it were with marrow and fatness: when my mouth praiseth thee with joyful lips.

7

Nagh vel mee er chooinaghtyn orts ayns my lhiabbee: as er smooinaghtyn ort tra va mee doostey.

Have I not remembered thee in my bed: and thought upon thee when I was waking?

8

Er-yn oyr dy vel oo er ve m'er-coonee: shen-y-fa fo scaa dty skianyn goym boggey.

Because thou hast been my helper: therefore under the shadow of thy wings will I rejoice.

9

Ta m'annym lhiantyn hoods: ta dty laue yesh er my chummal seose.

My soul hangeth upon thee: thy right hand hath upholden me.

10

Ad shoh myrgeddin ta shirrey aggair m'annym: hed ad fo'n thalloo.

These also that seek the hurt of my soul: they shall go under the earth.

11

Lhig daue tuittym er foyr y chliwe: dy vod ad ve son beaghey da shynnee.

They shall fall upon the edge of the sword: they shall be a portion for foxes.

12

Agh gow-ee yn ree boggey ayns Jee; adsyn ooilley myrgeddin ta loo biallys dasyn, vees er nyn moylley: son bee yn beeal ocsyn ta loayrt breagyn er ny yeigh.

But the king shall rejoice in God; all they also that swear by him shall be commended: for the mouth of them that speak lies shall be stopped.