The Bible


Ta m'annym dy firrinagh farkiaght dy kinjagh er Jee: son veihsyn ta my haualtys.

My soul truly waiteth still upon God: for of him cometh my salvation.


Eshyn dy feer my niart as my haualtys: eshyn my endeil, myr shen nagh bee my lhieggey mooar.

He verily is my strength and my salvation: he is my defence, so that I shall not greatly fall.


Ca?d smooinys shiu er olk noi dy chooilley ghooinney: hed shiu er stroie ooilley yn sorch eu: dy jarroo, myr voalley ta aarloo dy huittym vees shiu, as myr cleiy brisht.

How long will ye imagine mischief against every man: ye shall be slain all the sort of you; yea, as a tottering wall shall ye be, and like a broken hedge.


Ta'n smooinaghtyn croutagh oc ny-lomarcan kys dy chur eshyn sheese baillish Jee y hoiaghey seose: t'ad goaill taitnys ayns breagyn: t'ad cur goan mie lesh nyn meeal, agh gweeaghyn ayns nyn gree.

Their device is only how to put him out whom God will exalt: their delight is in lies; they give good words with their mouth, but curse with their heart.


Ny-yeih, m'annym, farkee uss dy kinjagh er Jee: son ta my hreishteil aynsyn.

Nevertheless, my soul, wait thou still upon God: for my hope is in him.


Eshyn dy firrinagh my niart as my haualtys: eshyn my endeilagh, myr shen nagh duittym.

He truly is my strength and my salvation: he is my defence, so that I shall not fall.


Ayns Jee ta my lhaynt as my ghloyr: creg my niart, as ayns Jee ta my hreishteil.

In God is my health, and my glory: the rock of my might; and in God is my trust.


O cur-jee nyn marrant er dy kinjagh shiuish phobble: deayrt-jee magh nyn greeaghyn kiongoyrt rish: son ta Jee nyn dreishteil.

O put your trust in him alway, ye people: pour out your hearts before him, for God is our hope.


Er son cloan gheiney, cha vel ad agh fardail: ta cloan gheiney molteyragh er ny meihaghyn, t'ad ooilley-cooidjagh ny s'eddrym na fardailys hene.

As for the children of men, they are but vanity, the children of men are deceitful: upon the weights they are altogether lighter than vanity itself.


O ny treisht-jee ayns aggair as roosteyrys; ny cur-jee shiu hene seose gys molteyrys: my ta berchys bishaghey, ny soie-jee nyn gree orroo.

O trust not in wrong and robbery, give not yourselves unto vanity: if riches increase, set not your heart upon them.


Loayr Jee un cheayrt, as daa cheayrt ta mish er chlashtyn y lheid cheddin: dy vel pooar bentyn gys Jee:

God spake once, and twice I have also heard the same: that power belongeth unto God;


As dy vel uss, Hiarn, myghinagh: son t'ou cooilleeney dy chooilley ghooinney cordail rish e obbyr.

And that thou, Lord, art merciful: for thou rewardest every man according to his work.