The Bible


O Yee t'ou er hilgey shin magh, as er skeayley shin dy lhean: t'ou myrgeddin er ve jymmoosagh rooin: O chyndaa hooinyn reesht.

O God, thou hast cast us out, and scattered us abroad: thou hast also been displeased: O turn thee unto us again.


T'ou er ghleashaght y cheer, as er scarrey eh: slaanee ny chingyn echey, son te craa.

Thou hast moved the land, and divided it: heal the sores thereof, for it shaketh.


T'ou er yeeaghyn da dty phobble reddyn trimshagh: t'ou er choyrt dooin jough feeyney baasoil.

Thou hast shewed thy people heavy things: thou hast given us a drink of deadly wine.


T'ou er choyrt cowrey da nyn lheid as ta goaill aggle royd: dy vod ad boggyssagh er coontey yn irriney.

Thou hast given a token for such as fear thee: that they may triumph because of the truth.


Shen-y-fa va'n vooinjer bynney lhiat er nyn livrey: cooin lhiam lesh dty laue yesh, as clasht rhym.

Therefore were thy beloved delivered: help me with thy right hand, and hear me.


Ta Jee er loayrt ayns e chasherickys, Nee'm boggey 'ghoaill as rheynn-ym Sichem: as towse-ym magh coan Succoth.

God hath spoken in his holiness, I will rejoice, and divide Shechem: and mete out the valley of Succoth.


Ta Gilead lhiam's, as lhiam's Manasses: ta Ephraim myrgeddin niart my chione; she Juda ta coyrt my leigh.

Gilead is mine, and Manasses is mine: Ephraim also is the strength of my head; Judah is my sceptre;


Moab my haagh-nieeaghyn, shooill-ym harrish Edom: Philistia, gow uss boggey jee'm.

Moab is my wash-pot; over Edom will I cast out my shoe: Philistia, be thou glad of me.


Quoi nee m'y leeideil ayns yn ard-valley lajer: quoi ver lesh mee stiagh gys Edom?

Who will lead me into the strong city: who will bring me into Edom?


Nagh vel uss er hilgey magh shin, O Yee: Nagh jean uss, O Yee, goll magh marish ny sheshaghtyn-caggee ain?

Hast not thou cast us out, O God: wilt not thou O God, go out with our hosts?


O bee uss nyn gooney ayns seaghyn: son s'fardalagh ta cooney dooinney.

O be thou our help in trouble: for vain is the help of man.


Trooid Jee nee mayd obbraghyn mooarey: son she eshyn stampys sheese nyn noidyn.

Through God will we do great acts: for it is he that shall tread down our enemies.