The Bible


Livrey mee veih my noidyn, O Yee: jean m'y endeil vouesyn ta girree-magh m'oï.

Deliver me from mine enemies, O God: defend me from them that rise up against me.


O livrey mee veih ny drogh-yantee: as saue mee veih ny deiney ta paagh lurg fuill.

O deliver me from the wicked doers: and save me from the blood-thirsty men.


Son cur-my-ner, t'ad lhie farkiaght son my vioys: ta ny deiney niartal er nyn jaglym m'oï, fegooish foill ny aggair erbee voym's, O Hiarn.

For lo, they lie waiting for my soul: the mighty men are gathered against me, without any offence or fault of me, O Lord.


T'ad roie as jannoo ad-hene aarloo fegooish foill erbee ayn-yms: trog ort er-y-fa shen dy chooney lhiam, as cur-my-ner.

They run and prepare themselves without my fault: arise thou therefore to help me, and behold.


Shass seose, O Hiarn Yee dy heshaght-chaggee flaunys, uss Yee Israel, dy ghoaill kerraghey er ooilley ny ashoonyn: as ny bee myghinagh dauesyn ta ass olkys goanlyssagh jannoo aggair.

Stand up, O Lord God of hosts, thou God of Israel, to visit all the heathen: and be not merciful unto them that offend of malicious wickedness.


T'ad goll noon as noal 'syn astyr: t'ad grindee myr moddey, as roie mygeayrt trooid yn ard-valley.

They go to and fro in the evening: they grin like a dog, and run about through the city.


Cur-my-ner, t'ad loayrt lesh nyn meeal, as ta cliwenyn ayns nyn meillyn: son quoi ta clashtyn?

Behold, they curse with their mouth, and swords are in their lips: for who, say thee, doth hear?


Bee ad, O Hiarn, ayd's ayns faghid: as nee oo garaghtee er ooilley ny ashoonyn-quaagh gys craid.

But thou, O Lord, shalt have them in derision: and thou shalt laugh all the heathen to scorn.


My niart goym rish dy nee voïds te: son uss yn Jee dy my chemmyrk.

My strength will I ascribe unto thee: for thou art the God of my refuge.


Ta Jee jeeaghyn dou e vieys dy palchey: as lhiggee Jee dou my yeearree y akin er my noidyn.

God sheweth me his goodness plenteously: and God shall let me see my desire upon mine enemies.


Ny marr ad, er-aggle dy jarrood my phobble eh: agh skeayl ad dy lhean mastey'n pobble, as cur sheese ad, O Hiarn, nyn vendeilagh.

Slay them not, lest my people forget it: but scatter them abroad among the people, and put them down, O Lord, our defence.


Kyndagh rish peccah nyn meeal, as goan nyn meillyn, bee ad goit ayns y voyrn oc hene: as cre'n-oyr? ta'n ghlare oc jeant jeh gweeaghyn as breagyn.

For the sin of their mouth, and for the words of their lips, they shall be taken in their pride: and why? their talking is of cursing and lies.


Cur mow ad ayns dty chorree, cur mow ad, dy vod ad cherraghtyn: as toiggal dy nee Jee ta reill ayns Jacob as gys king y theihll.

Consume them in thy wrath, consume them, that they may perish: and know that it is God that ruleth in Jacob, and unto the ends of the world.


As ayns yn astyr nee ad chyndaa reesht: grindee myr moddey, as hed ad mygeayrt yn ard-valley.

And in the evening they will return: grin like a dog, and will go about the city.


Roie-ee ad noon as noal son bee: as gow-ee ad dy olk rish, mannagh bee ad jeant magh.

They will run here and there for meat: and grudge if they be not satisfied.


Er my hon's, goym arrane jeh dty phooar, as nee'm dty vyghin y voylley dy leah sy voghrey: son t'ou uss er ve my choadey as my chemmyrk ayns laa my heaghyn.

As for me, I will sing of thy power, and will praise thy mercy betimes in the morning: for thou hast been my defence and refuge in the day of my trouble.


Hood's, O my niart, goym arrane: son t'ou uss, O Yee, my chemmyrk, as my Yee vyghinagh.

Unto thee, O my strength, will I sing: for thou, O God art my refuge, and my merciful God.