The Bible

1

Bee myghinagh dooys, O Yee, son ta dooinney shirrey dy my stroie: t'eh gagh-laa caggey as dy my heaghney.

Be merciful unto me, O God, for man goeth about to devour me: he is daily fighting, and troubling me.

2

Ta my noidyn gagh-laa goaill ayns laue dy my lhuggey seose: son t'adsyn ymmodee ta caggey m'oï, O uss smoo syrjey.

Mine enemies are daily in hand to swallow me up: for they be many that fight against me, O thou Most Highest.

3

Ny-yeih, ga dy vel aggle orrym ny cheayrtyn: foast ta mee coyrt my hreishteil aynyds.

Nevertheless, though I am sometime afraid: yet put I my trust in thee.

4

Ver-yms moylley da Jee son e ghoo: ta mee er choyrt my hreishteil ayns Jee, as cha goym aggle cre oddys dooinney y yannoo rhym.

I will praise God, because of his word: I have put my trust in God, and will not fear what flesh can do unto me.

5

T'ad gagh-laa goaill my ghoan marran: ooilley ny t'ad smooinaghtyn er te dy yannoo olk dou.

They daily mistake my words: all that they imagine is to do me evil.

6

T'ad ooilley lhiantyn ry-cheilley, as freayll ad-hene dy follit: as cur tastey da my chesmadyn, tra t'ad lhie farkiaght son m'annym.

They hold all together, and keep themselves close: and mark my steps, when they lay wait for my soul.

7

Jed ad gyn kerraghey son nyn olkys: nee uss, O Yee, ayns dty yymmoose ad y hilgey sheese.

Shall they escape for their wickedness: thou, O God, in thy displeasure shalt cast them down.

8

T'ou freayll coontey jeh my imman veih boayl dy boayl; cur my yheir ayns dty voteil: nagh vel ny reddyn shoh scruit ayns dty lioar?

Thou tellest my flittings; put my tears into thy bottle: are not these things noted in thy book?

9

Cre-erbee yn traa ta mee geamagh ort, eisht bee my noidyn eebrit ersooyl: shoh ta fys aym er; son ta Jee er my heu.

Whensoever I call upon thee, then shall mine enemies be put to flight: this I know; for God is on my side.

10

Ayns goo Yee goym boggey: ayns goo yn Chiarn nee'm mee hene y gherjaghey.

In God's word will I rejoice: in the Lord's word will I comfort me.

11

Dy jarroo ayns Jee ta mee er choyrt my hreishteil: cha goym aggle cre oddys dooinney y yannoo rhym.

Yea, in God have I put my trust: I will not be afraid what man can do unto me.

12

Dhyt's, O Yee, eeck-ym my vreearaghyn: dhyts ver-ym booise.

Unto thee, O God, will I pay my vows: unto thee will I give thanks.

13

Son t'ou er livrey m'annym veih baase, as my chassyn veih tuittym: dy voddym gimmeeaght kiongoyrt rish Jee ayns soilshey yn sleih bio.

For thou hast delivered my soul from death, and my feet from falling: that I may walk before God in the light of the living.