The Bible


Clasht rish my phadjer, O Yee: as ny follee oo hene veih my accan.

Hear my prayer, O God: and hide not thyself from my petition.


Gow tastey jee'm, as eaisht rhym: kys ta mee gaccan ayns my phadjer, as ta mee seaghnit.

Take heed unto me, and hear me: how I mourn in my prayer, and am vexed.


Ta lheid yn yllagh er my noid, as ta ny mee-chrauee cheet orrym cha chion: son t'ad kiarit dy yannoo olk ennagh dou, cha goanlyssagh shen t'ad soit m'oï.

The enemy crieth so, and the ungodly cometh on so fast: for they are minded to do me some mischief; so maliciously are they set against me.


Ta my chree anveagh cheu-sthie jee'm: as ta aggle y vaaish er duittym orrym.

My heart is disquieted within me: and the fear of death is fallen upon me.


Ta aggle as creau er jeet orrym: as ta atchim seaghnagh er my hilgey harrish.

Fearlessness and trembling are come upon me: and an horrible dread hath overwhelmed me.


As dooyrt mee, O dy beagh aym skianyn myr t'ec calmane: son eisht etlin ersooyl, as veïgn ec fea.

And I said, O that I had wings like a dove: for then would I flee away, and be at rest.


Cur-my-ner, yinnin eisht cosney roym foddey jeh: as fuirraght ayns yn aasagh.

Lo, then would I get me away far off: and remain in the wilderness.


Yinnin siyr dy scapail: kyndagh rish y gheay stermagh as y dorrin.

I would make haste to escape: because of the stormy wind and tempest.


Stroie ny chengaghyn oc, O Hiarn, as cur ad noi-ry-hoi: son ta mee er vakin neuchairys as streeu ayns yn ard-valley.

Destroy their tongues, O Lord, and divide them: for I have spied unrighteousness and strife in the city.


Laa as oie t'ad goll mygeayrt ny vollaghyn eck: ta olkys neesht as trimshey 'sy vean eck.

Day and night they go about within the walls thereof: mischief also and sorrow are in the midst of it.


Olkys t'ayn: cha vel molteyraght as foalsaght goll ass ny straidyn oc.

Wickedness is therein: deceit and guile go not out of their streets.


Son cha nee noid foshlit t'er n'yannoo yn vee-onnor shoh dou: son eisht oddin v'er ymmyrkey eh.

For it is not an open enemy, that hath done me this dishonour: for then I could have borne it.


Chamoo she fer va ayns drogh-aigney dou hrog eh-hene seose m'oï: son eisht foddee dy beign er vollaghey mee hene veih;

Neither was it mine adversary, that did magnify himself against me: for then peradventure I would have hid myself from him.


Agh oo hene v'ayn, my heshey: my leeideilagh, as my charrey ainjyssagh.

But it was even thou, my companion: my guide, and mine own familiar friend.


Ghow shin coyrle villish cooidjagh, as ren shin shooyll gys thie Yee myr caarjyn.

We took sweet counsel together: and walked in the house of God as friends.


Lhig da baase cheet orroo dy siyragh, as lhig daue goll sheese bio ayns yn oaie: son ta olkys ayns nyn gummallyn, as ny mast' oc.

Let death come hastily upon them, and let them go down quick into hell: for wickedness is in their dwellings, and among them.


Er my hon's, eïe-ym er Jee: as nee'n Chiarn m'y hauail.

As for me, I will call upon God: and the Lord shall save me.


Fastyr, as moghrey, as ec y vun-laa nee'm padjer y ghoaill, as shen dy jeean: as clynnee eh my choraa.

In the evening, and morning, and at noonday will I pray, and that instantly: and he shall hear my voice.


She eshyn ta er livrey m'annym ayns shee, veih'n chaggey va m'oï: son va ymmodee mârym.

It is he that hath delivered my soul in peace from the battle that was against me: for there were many that strove with me.


Dy jarroo, Jee hene, ta farraghtyn dy bragh, nee m'y chlashtyn, as ver lesh adsyn sheese: son cha jean ad chyndaa, ny goaill aggle roish Jee.

Yea, even God, that endureth for ever, shall hear me, and bring them down: for they will not turn, nor fear God.


Chur eh e laueyn orroosyn va ayns shee rish: as vrish eh e chonaant.

He laid his hands upon such as be at peace with him: and he brake his covenant.


Va goan e veeal ny s'buiggey na eeym, as caggey ayns e chree: va e ghoan ny shliawney na ooil, as foast t'ad cliwenyn hene.

The words of his mouth were softer than butter, having war in his heart: his words were smoother than oil, and yet be they very swords.


O tilg dty errey er y Chiarn, as nee eh dty chummal seose, as cha lhig eh da'n fer-cairagh tuittym son dy bragh.

O cast thy burden upon the Lord, and he shall nourish thee: and shall not suffer the righteous to fall for ever.


Agh er nyn son ocsyn ver uss lhiat ad, O Yee, ayns yn ooig dy hoyrt mow.

And as for them: thou, O God, shalt bring them into the pit of destruction.


Cha bee ny deiney folley as molteyragh bio yn derrey lieh jeh nyn laghyn: agh bee my hreishteil aynyds, O Hiarn.

The blood-thirsty and deceitful men shall not live out half their days: nevertheless, my trust shall be in thee, O Lord.