The Bible


Saue mee, O Yee, er graih dt'ennym: as gow my phaart ayns dty niart.

Save me, O God, for thy name's sake: and avenge me in thy strength.


Cur clashtyn da my phadjer, O Yee: as eaisht rish goan my veeal.

Hear my prayer, O God: and hearken unto the words of my mouth.


Son ta joarreeyn er n'irree seose m'oï: as ta tranlaasee nagh vel Jee oc roish nyn sooillyn shirrey lurg my vioys.

For strangers are risen up against me: and tyrants, which have not God before their eyes, seek after my soul.


Cur-my-ner, she Jee m'er-coonee: ta'n Chiarn mâroosyn ta cummal seose m'annym.

Behold, God is my helper: the Lord is with them that uphold my soul.


Cooilleenee eshyn olk da my noidyn: Jean adsyn y stroie ayns dty ynrickys.

He shall reward evil unto mine enemies: destroy thou them in thy truth.


Oural dy chree arryltagh ver-ym dhyt, as dt'ennym y voylley, O Hiarn: son dy vel eh cha gerjoilagh.

An offering of a free heart will I give thee, and praise thy Name, O Lord: because it is so comfortable.


Son t'eh er my livrey ass ooilley my heaghyn: as ta my hooill er vakin e yeearree er my noidyn.

For he hath delivered me out of all trouble: and mine eye hath seen his desire upon mine enemies.