The Bible

Cre hon t'ou boggyssagh jeed hene uss hranlaasagh: dy vod oo olk y yannoo;

Why boastest thou thyself, thou tyrant: that thou canst do mischief;

Fakin dy vel mieys Yee: farraghtyn foast gagh-laa?

Whereas the goodness of God: endureth yet daily?

Ta dty hengey soit er olkys: as lesh breagyn t'ou giarey goll-rish skynn ghyere.

Thy tongue imagineth wickedness: and with lies thou cuttest like a sharp razor.

T'ou er ve ny s'graihee er-neu-chairys na er mieys: as dy haggloo jeh breagyn ny smoo na jeh cairys.

Thou hast loved unrighteousness more than goodness: and to talk of lies more than righteousness.

Va taitnys ayd dy loayrt dy chooilley ockle oddagh assee y yannoo: O uss hengey oalsey.

Thou hast loved to speak all words that may do hurt: O thou false tongue.

Shen-y-fa nee Jee oo y stroie er son dy bragh: nee eh dty ghoaill, as dty hayrn ass dty chummal, as nee eh oo y astyrt magh ass cheer y sleih bio.

Therefore shall God destroy thee for ever: he shall take thee, and pluck thee out of thy dwelling, and root thee out of the land of the living.

Heeyn sleih cairal shoh myrgeddin, as gowee ad aggle: as nee ad craidey mysh as gearey;

The righteous also shall see this, and fear: and shall laugh him to scorn;

Jeeagh shoh'n dooinney nagh ghow Jee son e niart: agh hug e varrant gys e verchys vooar, as ren eh-hene y niartaghey ayns e olkys.

Lo, this is the man that took not God for his strength: but trusted unto the multitude of his riches, and strengthened himself in his wickedness.

Er my hon's, ta mee myr billey-olive glass ayns thie Yee: ta my hreishteil ayns myghin meiygh Yee son dy bragh as dy bragh.

As for me, I am like a green olive-tree in the house of God: my trust is in the tender mercy of God for ever and ever.

Ver-yms booise dhyt dy kinjagh son shen ny t'ou er n'yannoo: as nee'm treishteil ayns dty ennym, son shynney lesh ny nooghyn eh dy mie.

I will always give thanks unto thee for that thou hast done: and I will hope in thy Name, for thy saints like it well.