The Bible


Jean myghin orrym, O Yee, lurg dty vieys vooar: cordail rish ymmodee dty vyghinyn cur ersooyl my loghtyn.

Have mercy upon me, O God, after thy great goodness: according to the multitude of thy mercies do away mine offences.


Niee mee dy bollagh veih m'olkys: as glen mee veih my pheccah.

Wash me throughly from my wickedness: and cleanse me from my sin.


Son ta mee goaill-rish m'oiljyn: as ta my pheccah kinjagh kiongoyrt rhym.

For I acknowledge my faults: and my sin is ever before me.


Dt'oï's dty-lomarcan ta mee er n'yannoo peccah, as er chur rish yn olk shoh ayns dty hilley: dy voddagh oo v'er dty heyrey ayns dty raa, as ynrick tra t'ou briwnys.

Against thee only have I sinned, and done this evil in thy sight: that thou mightest be justified in thy saying, and clear when thou shalt judge.


Cur-my-ner va mee er my chummey ayns olkys: as ayns peccah ren my voir m'y yiennaghtyn.

Behold, I was shapen in wickedness: and in sin hath my mother conceived me.


Agh cur-my-ner, t'ou shirrey firrinys ayns ny ayrnyn er cheu-sthie: as ver oo orrym toiggal creenaght dy-follit.

But lo, thou requirest truth in the inward parts: and shalt make me to understand wisdom secretly.


Nee oo mish y ghlenney lesh hyssop, as bee'm glen: nee oo m'y niee, as bee'm ny s'gilley na sniaghtey.

Thou shalt purge me with hyssop, and I shall be clean: thou shalt wash me, and I shall be whiter than snow.


Ver oo orrym clashtyn jeh boggey as gennallys: dy vod ny craueyn t'ou er vrishey boggey 'ghoaill.

Thou shalt make me hear of joy and gladness: that the bones which thou hast broken may rejoice.


Chyndaa dt'eddin veih my pheccah: as cur ersooyl ooilley my ghrogh-yannoo.

Turn thy face from my sins: and put out all my misdeeds.


Croo aynym cree glen, O Yee: as jean ass-y-noa spyrryd cairagh cheu-sthie jee'm.

Make me a clean heart, O God: and renew a right spirit within me.


Ny tilg mee ersooyl veih dt'enish: as ny gow dty Spyrryd Casherick voym.

Cast me not away from thy presence: and take not thy holy spirit from me.


O cur dou reesht gerjagh dty chooney: as niartee mee lesh dty Spyrryd arryltagh.

O give me the comfort of thy help again: and stablish me with thy free spirit.


Eisht neem's dty raaidyn y ynsaghey da ny mee-chrauee: as bee peccee er nyn jyndaa hoods,

Then shall I teach thy ways unto the wicked: and sinners shall be converted unto thee.


Livrey mee veih loght-folley, O Yee uss ta Jee my lhaynt: as nee my hengey arrane y ghoaill jeh dty chairys.

Deliver me from blood-guiltiness, O God, thou that art the God of my health: and my tongue shall sing of thy righteousness.


Nee uss my veillyn y osley, O Hiarn: as nee my veeal soilshaghey magh dty voylley.

Thou shalt open my lips, O Lord: and my mouth shall shew thy praise.


Son cha vel oo shirrey oural, nonney yinnin dhyt eh: cha vel taitnys ayd ayns chebballyn-losht.

For thou desirest no sacrifice, else would I give it thee: but thou delightest not in burnt-offerings.


Ta ourallyn Yee spyrryd seaghnit: cree brisht as arryssagh, O Yee, cha soie uss beg jeh.

The sacrifice of God is a troubled spirit: a broken and contrite heart, O God, shalt thou not despise..


O bee uss foayroil as graysoil da Sion: trog seose voallaghyn Yerusalem.

O be favourable and gracious unto Sion: build thou the walls of Jerusalem.


Eisht nee uss boggey 'ghoaill ayns yn oural dy chairys, ayns ourallyn-losht as chebballyn: eisht nee ad chebbal dew aegey er dt'altar.

Then shalt thou be pleased with the sacrifice of righteousness, with the burnt-offerings and oblations: then shall they offer young bullocks upon thine altar.