The Bible


O clasht-jee rish shoh, ooilley shiuish phobble: eaisht-jee rish ooilley shiuish ta baghey 'sy theihll.

O hear ye this, all ye people: ponder it with your ears, all ye that dwell in the world;


Ard as injil, berchagh as boght: dagh unnane ry-cheilley.

High and low, rich and poor: one with another.


Loayree my veeal jeh creenaght: as nee my chree smooinaghtyn er tushtey.

My mouth shall speak of wisdom: and my heart shall muse of understanding.


Croym-ym my chleaysh gys y coraa-dorraghey: as nee'm soilshaghey my ghlare dowin er y chlaasagh.

I will incline mine ear to the parable: and shew my dark speech upon the harp.


Cre hon yinnin aggle y ghoaill ayns ny laghyn dy olkys: tra ta olkys my voynnyn cruinnaghey mee mygeayrt.

Wherefore should I fear in the days of wickedness: and when iniquity at my heels compasseth me round about?


Ta paart ta cur nyn marrant gys nyn gooid: as boggyssagh ayns earroo nyn merchys.

There be some that put their trust in their goods: and boast themselves in the multitude of their riches.


Agh cha vod dooinney erbee e vraar y livrey: ny coonrey y yannoo rish Jee er e hon.

But no man may deliver his brother: nor make agreement unto God for him;


Son haink eh gys ny smoo dy livrey nyn anmeenyn: myr shen y nhegin da shen y aagail voish er son dy bragh;

For it cost more to redeem their souls: so that he must let that alone for ever;


Ga dy beagh eh foddey bio: as gyn yn oaie y akin.

Yea, though he live long: and see not the grave.


Son t'eh fakin dy vel deiney creeney neesht geddyn baase as cherraghtyn cooidjagh: chammah as ta'n sleih neu-chreeney as ommijagh, as faagail nyn merchys da feallagh elley.

For he seeth that wise men also die, and perish together: as well as the ignorant and foolish, and leave their riches for other.


As foast t'ad sheiltyn dy jean ny thieyn oc farraghtyn son dy bragh: as dy bee ny ynnydyn-vaghee oc er-mayrn veih sheeloghe gys sheeloghe; as t'ad genmys ny baljyn oc lurg nyn ennym hene.

And yet they think that their houses shall continue for ever, and that their dwelling-places shall endure from one genertion to another: and call the lands after their own names.


Ny yeih, cha jean dooinney tannaghtyn foddey ayns ooashley: fakin dy vod eh ve er ny hoyllaghey gys y maase ta cherraghtyn; shoh'n raad oc.

Nevertheless, man being in honour abideth not: seeing he may be compared unto the beasts that perish.


Shoh'n ommijys oc, as ta nyn sluight moylley yn raa oc.

This their way is very foolish: and their posterity praise their saying.


T'ad lhie 'syn oaie myr kirree ta'n baase caigney orroo, as bee reill ec y sleih cairal harrystoo 'sy voghrey: hed yn aalid oc mow ayns yn oaie ass ny cummallyn oc.

They lie in the hell like sheep, death is their shepherd, and the righteous shall have domination over them in the morning: their beauty shall consume in the sepulchre, and have no abiding.


Agh nee Jee m'annym y livrey veih pooar yn oaie: son nee eh m'y ghoaill huggey hene.

But God hath delivered my soul from the power of hell: for he shall receive me.


Ny gow aggle, ga dy bee fer er ny yannoo berchagh: ny my ta gloyr e hie er ny vishaghey.

Be not thou afraid, though one be made rich: or if the glory of his house be increased;


Son cha der eh lesh veg ersooyl marish tra t'eh geddyn baase: chamoo nee e stayd vooar geiyrt er.

For he shall carry nothing away with him when he dieth: neither shall his pomp follow him.


Son choud's v'eh bio, yeeagh eh er hene dy ve dooinney maynrey: as choud's t'ou jannoo dy mie dhyt hene, loayree deiney dy mie jeed.

For while he lived, he counted himself an happy man: and so long as thou doest well unto thyself, men will speak good of thee.


Eiyree eshyn er sheeloghe e ayraghyn: as cha jean eh dy bragh soilshey y akin.

He shall follow the generation of his fathers: and shall never see light.


Dooinney ta ayns ooashley as fegooish tushtey: t'eh er ny hoyllaghey gys ny beïyn ta cherraghtyn.

Man that is in honour and hath no understanding: is compared unto the beasts that perish.