The Bible


Mooar ta'n Chiarn, as dy ard dy v'er ny voylley: ayns ard-valley yn Jee ain, dy jarroo er e chronk chasherick.

Great is the Lord, and highly to be praised: in the city of our God, even upon his holy hill.


Ta cronk Sion ynnyd aalin, as boggey yn seihll ooilley: er y cheu twoaie ta ard-valley yn ree mooar; te ry-akin dy vel Jee ayns ny plaaseyn eck myr kemmyrk shickyr.

The hill of Sion is a fair place, and the joy of the whole earth: upon the north-side lieth the city of the great King; God is well known in her palaces as a sure refuge.


Son cur-my-ner, ta reeaghyn y thallooin; er nyn jaglym, as er n'gholl shaghey cooidjagh.

For lo, the kings of the earth: are gathered, and gone by together.


Ghow ad yindys y akin lheid ny reddyn; v'ad lhieent lesh atchim, as ayns y tullogh chaill ad nyn gree.

They marvelled to see such things: they were astonished, and suddenly cast down.


Haink aggle orroo, as trimshey: myr er ben er-troailt.

Fear came there upon them, and sorrow: as upon a woman in her travail.


Nee uss brishey lhongyn ny marrey: lesh y gheay-niar.

Thou shalt break the ships of the sea: through the east-wind.


Myr ta shin er chlashtyn, myr shen ta shin er vakin ayns ard-valley yn Chiarn dy heshaght-chaggee flaunys, ayns ard-valley yn Jee ain: ta Jee dy chummal eh seose son dy bragh.

Like as we have heard, so have we seen in the city of the Lord of hosts, in the city of our God: God upholdeth the same for ever.


Ta shin farkiaght er dty chenjallys-ghraihagh, O Yee: ayns mean dty hiamble.

We wait for thy loving-kindness, O God: in the midst of thy temple.


O Yee, myr ta dt'ennym, myr shen ta dty voylley gys king y theihll: ta dty laue yesh lane dy chairys.

O God, according to thy Name, so is thy praise unto the world's end: thy right hand is full of righteousness.


Lhig da'n cronk Sion goaill boggey, as inneen Yudah ve gennal: er coontey dty vriwnyssyn.

Let the mount Sion rejoice, and the daughters of Judah be glad: because of thy judgements.


Shooill-jee mysh Sion, as immee-jee mygeayrt-y-mooee: as gow coontey ny tooryn eck.

Walk about Sion, and go round about her: and tell the towers thereof.


Gow tastey vie jeh ny voallaghyn lajer eck, soie-jee seose ny thieyn eck: dy vod oo ginsh dauesyn hig nyn yeï.

Mark well her bulwarks, consider her houses: that ye may tell them that come after.


Son she'n Jee shoh yn Jee ain son dy bragh as dy bragh: eshyn vees y leeideilagh ain gys laa nyn maaish.

For this God is our God for ever and ever: he shall be our guide unto death.