The Bible


She Jee nyn dreishteil as niart: cooney feer faggys ayns seaghyn.

God is our hope and strength: a very present help in trouble.


Shen-y-fa cha gow mayd aggle, ga dy beagh y seihll er ny chraa: as ga dy beagh ny croink er nyn scughey gys mean yn aarkey.

Therefore will we not fear, though the earth be moved: and though the hills be carried into the midst of the sea.


Ga dy jinnagh ny ushtaghyn echey freaney as gatt: as ga dy jinnagh ny sleityn craa lesh dorrin y chooid cheddin.

Though the waters thereof rage and swell: and though the mountains shake at the tempest of the same.


Nee ushtaghyn y thooilley echey ard-valley Yee y yannoo gennal: ynnyd casherick cabbane-agglish yn Jee smoo ard.

There is a river, the streams whereof make glad the city of God: the holy place of the tabernacle of the Most Highest.


Ta Jee ayns y vean eck, shen-y-fa cha bee ee er ny scughey: nee Jee cooney lh'ee, as shen dy feer voghey.

God is in the midst of her, therefore shall she not be removed: God shall help her, and that right early.


Ta ny ashoonyn goaill lane bea orroo, as ta ny reeriaghtyn er nyn scughey: agh ta Jee er hoilshaghey e choraa, as nee'n seihll lheïe ersooyl.

The nations make much ado, and the kingdoms are moved: but God hath shewed his voice, and the earth shall melt away.


Ta'n Chiarn dy heshaght-chaggee flaunys mârin: she Jee Yacob yn chemmyrk ain.

The Lord of hosts is with us: the God of Jacob is our refuge.


O tar-jee ayns shoh, as jeeagh-jee er obbraghyn y Chiarn; cre'n traartys t'eh er choyrt lesh er y theihll.

O come hither, and behold the works of the Lord: what destruction he hath brought upon the earth.


T'eh cur er caggaghyn dy scuirr ayns ooilley yn seihll: t'eh brishey yn bow, as giarey yn shleiy dy peeshyn, as lostey ny fainaghyn 'syn aile.

He maketh wars to cease in all the world: he breaketh the bow, and knappeth the spear in sunder, and burneth the chariots in the fire.


Bee-jee feagh eisht, as toig-jee dy vel mish Jee: beem's er my hoiaghey seose mastey ny ashoonyn, as bee'm er my hoiaghey seose er y thalloo.

Be still then, and know that I am God: I will be exalted among the nations, and I will be exalted in the earth.


Ta'n Jee dy heshaght-chaggee flaunys mârin: she Jee Yacob nyn gemmyrk.

The Lord of hosts is with us: the God of Jacob is our refuge.