The Bible


Myr ta'n feeaïh shirrey lurg ny strooanyn ushtey: myr shen ta m'annym goaill foddeeaght dty yeih's, O Yee.

Like as the hart desireth the water brooks: so longeth my soul after thee, O God.


Ta m'annym paagh son Jee, eer son y Jee bio: cuin higgym dy hassoo kionfenish Yee?

My soul is athirst for God, yea, even for the living God: when shall I come to appear before the presence of God?


Ta my yheir er ve my veaghey laa as oie: choud as t'ad gagh-laa gra rhym, Cre vel nish dty Yee.

My tears have been my meat day and night: while they daily say unto me, Where now is thy God?


Nish tra ta mee smooinaghtyn er shoh, ta mee deayrtey magh my chree rhym pene: son hie mee marish y cheshaght, as hug mee lhiam adsyn mârym stiagh ayns thie Yee:

Now when I think thereupon, I pour out my heart by myself: for I went with the multitude, and brought them forth into the house of God;


Ayns y kiaulleeaght dy voylley as dy hoyrt-booise: mastey ny lheid as ta freaylley laa feailley.

In the voice of praise and thanksgiving: among such as keep holy day.


Cre'n-fa t'ou cha lane dy hrimshey, O m'annym: as cre'n-fa t'ou cha seaghnit cheusthie jee'm?

Why art thou so full of heaviness, O my soul: and why art thou so disquieted within me?


Cur dty hreishteil ayns Jee: son ver-yms foast booise da son cooney e eddin.

Put thy trust in God: for I will yet give him thanks for the help of his countenance.


My Yee, ta m'annym seaghnit cheu. sthie jee'm: shen-y-fa neem's cooinaghtyn orts mychione thalloo Yordan, as cronk beg Hermon.

My God, my soul is vexed within me: therefore will I remember thee from the land of Jordan, from Hermon and the little hill.


Ta diunid freggyrt gys diunid, liorish feiyr ny thooillaghyn ushtey: ta ooilley ny tonnyn as sterrymyn ayds er gholl harrym.

One deep calleth another, because of the noise of thy water-floods: all thy waves and storms are gone over me.


Ta'n Chiarn er choyrt e chenjallys ghraihagh 'sy laa: as ayns imbagh ny hoie ghow mish arrane jehsyn, as ren mee my phadjer gys y Jee jeh my vea.

The Lord will grant his loving-kindness in the day-time: and in the night-season will I sing of him, and make my prayer unto the God of my life.


Jir-yms rish Jee my niart, Cre'n-fa t'ou er my yarrood: kys ta mee myr shoh goll trimshagh, choud as ta'n noid jannoo tranlaase orrym?

I will say unto the God of my strength, Why hast thou forgotten me: why go I thus heavily, while the enemy oppresseth me?


Ta my chraueyn er nyn scarrey veih-my-cheilley myr lesh cliwe: choud as ta my noidyn ta dy my heaghney, ceau oltooanyn orrym,

My bones are smitten asunder as with a sword: while mine enemies that trouble me cast me in the teeth;


Ta shen, choud as t'ad dagh-laa gra rhym: Cre vel nish yn Jee ayd?

Namely, while they say daily unto me: Where now is thy God?


Cre'n-fa t'ou cha seaghnit, O m'annym: as cre hon t'ou cha anveagh cheu-sthie jee'm?

Why art thou so vexed, O my soul: and why art thou so disquieted within me?


O cur dty hreishteil ayns Jee: son ver-yms foast booise da, eh ta slaynt my eddin, as my Yee.

Put thy trust in God: for I will yet thank him, which is the help of my countenance, and my God.