The Bible

Bannit t'eshyn ta smooinaghtyn er y voght as yn ymmyrchagh: nee'n Chiarn eshyn y livrey ayns traa e heaghyn.

Blessed is he that considereth the poor and needy: the Lord shall deliver him in the time of trouble.

Dy jean y Chiarn eshyn y choadey as y reayll bio, dy vod eh ve bannit er y thalloo: as ny livrey uss eh gys aigney e noidyn.

The Lord preserve him, and keep him alive, that he may be blessed upon earth: and deliver not thou him into the will of his enemies.

Dy jean y Chiarn eh y gherjaghey tra t'eh ny lhie dy ching er e lhiabbee: jean uss ooilley e lhiabbee ayns e hingys.

The Lord comfort him, when he lieth sick upon his bed: make thou all his bed in his sickness.

Dooyrt mee, Hiarn, bee myghinagh dou: slaanee m'annym, son ta mee er n'yannoo peccah dt'oï.

I said, Lord, be merciful unto me: heal my soul, for I have sinned against thee.

Ta my noidyn loayrt dy olk jee'm: Cuin yiow eh baase, as cuin nee e ennym cherraghtyn?

Mine enemies speak evil of me: When shall he die, and his name perish?

As my t'eh cheet dy my yeeaghyn, t'eh loayrt dy foalsey: as ta e chree giennaghtyn molteyrys cheu-sthie jeh; as tra t'eh goll roish t'eh d'insh eh.

And if he come to see me, he speaketh vanity: and his heart conceiveth falsehood within himself, and when he cometh forth he telleth it.

Ta ooilley my noidyn sansheraght cooidjagh m'oï: dy jarroo m'oï t'ad smooinaghtyn er yn olk shoh.

All mine enemies whisper together against me: even against me do they imagine this evil.

Lhig da briwnys baaish cheet magh n'oï: as nish dy vel eh ny lhie, ny lhig da girree seose arragh.

An evil disease, say they, cleaveth fast unto him: and now that he lieth he shall rise up no more.

Dy jarroo, my charrey ainjyssagh hene, er hug mee my hreisht: eshyn neesht ren gee jeh m'arran, t'eh dy mooar farkiaght dy follit er my hon.

Yea, even mine own familiar friend, whom I trusted: who did also eat of my bread, hath laid great wait for me.

Agh bee uss myghinagh dou, O Hiarn: jean uss my hroggal seose reesht, as nee'm ad y chooilleeney.

But be thou merciful unto me, O Lord: raise thou me up again, and I shall reward them.

Liorish shoh ta fys aym dy vel oo foayroil dou: nagh vel my noid geddyn barriaght m'oï.

By this I know thou favourest me: that mine enemy doth not triumph against me.

As tra ta mee ec my lhaynt, t'ou dy my chummal seose: as nee oo m'y hoiaghey kiongoyrt rish dt'eddin er son dy bragh.

And because of my innocency thou upholdest me: and shalt set me before thy face for ever.

Bannit dy row yn Chiarn Jee d'Israel: seihll gyn jerrey. Amen.

Blessed be the Lord God of Israel: world without end. Amen.