The Bible


Ren mee farkiaght dy surransagh er y Chiarn: as deaisht eh rhym, as cheayll eh my eam.

I waited patiently for the Lord: and he inclined unto me, and heard my calling.


Hug eh lesh mee neesht magh ass y lhag atchimagh, magh ass y laagh as y chray: as hoie eh my chassyn er y chreg, as ren eh my immeeaght y oardrail.

He brought me also out of the horrible pit, out of the mire and clay: and set my feet upon the rock, and ordered my goings.


As t'eh er choyrt arrane noa ayns my veeal: dy jarroo, toyrt-booise gys y Jee ain.

And he hath put a new song in my mouth: even a thanksgiving unto our God.


Nee ymmodee fakin shoh, as aggle y ghoaill: as ver ad nyn dreishteil ayns y Chiarn.

Many shall see it, and fear: and shall put their trust in the Lord.


Bannit ta'n dooinney ta er hoiaghey e hreishteil ayns y Chiarn: as nagh vel er hyndaa gys y vooinjer voyrnagh, as gys nyn lheid as ta goll mygeayrt lesh breagyn.

Blessed is the man that hath set his hope in the Lord: and turned not unto the proud, and to such as go about with lies.


O Hiarn my Yee, s'mooar ta ny obbraghyn yindyssagh t'ou uss er n'yannoo, myr ta neesht dty smooinaghtyn hooinyn: as foast cha vel y dooinney shen oddys yn earroo oc y hoiaghey royd dy kiart.

O Lord my God, great are the wondrous works which thou hast done, like as be also thy thoughts which are to us-ward: and yet there is no man that ordereth them unto thee.


Dy jinnin's goaill orrym dy hoilshaghey ad, as dy loayrt jeu: veagh ad ny smoo na ta mee fondagh dy hoiaghey magh.

If I should declare them, and speak of them: they should be more than I am able to express.


Toyrtys casherick as bee-oural cha bailts: agh my chleayshyn t'ou er vosley.

Sacrifice and offering thou wouldest not: but mine ears hast thou opened.


Chebballyn-losht, as oural son peccah cha vel oo er hirrey: eisht dooyrt mish, Jeeagh, ta mee cheet.

Burnt-offering and sacrifice for sin hast thou not required: then said I, Lo, I come,


Ayns corp y lioar te er ny scrieu jeem's, dy lhisins dt'aigney 'chooilleeney, O my Yee: ta mee booiagh y yannoo eh; dy jarroo ta'n leigh ayds er cheu-sthie dy my chree.

In the volume of the book it is written of me, that I should fulfil thy will, O my God: I am content to do it; yea, thy law is within my heart.


Ta mee er hoilshaghey dty chairys ayns y chaglym mooar: cur-my-ner cha gumym my veillyn, O Hiarn, as shen ta fys ayd er.

I have declared thy righteousness in the great congregation: lo, I will not refrain my lips, O Lord, and that thou knowest.


Cha vel mee er cheiltyn dty chairys cheu-sthie jeh my chree: ta my haggloo er ny ve jeh dty ynrickys, as jeh dty haualtys.

I have not hid thy righteousness within my heart: my talk hath been of thy truth, and of thy salvation.


Cha ve mee er vreayll ergooyl dty vyghin as firrinys: veih'n chaglym mooar.

I have not kept back thy loving mercy and truth: from the great congregation.


Ny tayrn dty vyghin ersooyl voym, O Hiarn: lhig da dty chenjallys ghraihagh as dty irriney dy kinjagh mish y choadey.

Withdraw not thou thy mercy from me, O Lord: let thy loving-kindness and thy truth alway preserve me.


Son ta seaghyn er-skyn-earroo er jeet my-geayrt-y-moom; ta my pheccaghyn er ghoaill lheid y ghreme orrym, nagh vel mee abyl jeeaghyn seose, sfeer eh, t'ad ny smoo ayns earroo na renaigyn my ching, as ta my chree dy m'ailleil.

For innumerable troubles are come about me; my sins have taken such hold upon me that I am not able to look up: yea, they are more in number than the hairs of my head, and my heart hath failed me.


O Hiarn, lhig da ve dty aigney dy my livrey: jean siyr, O Hiarn, dy chooney lhiam.

O Lord, let it be thy pleasure to deliver me: make haste, O Lord, to help me.


Lhig dauesyn ve er nyn goyrt gys nearey, as er nyn gastey cooidjagh, ta shirrey lurg m'annym dy stroie eh: lhig daue v'er nyn imman gour nyn drommey dy scammyltagh, ta wooishal olk dou.

Let them be ashamed, and confounded together, that seek after my soul to destroy it: let them be driven backward, and put to rebuke, that wish me evil.


Lhig daue ve treigit, as er nyn gooilleeney lesh nearey: ta gra rhym, Fie ort, fie ort.

Let them be desolate, and rewarded with shame: that say unto me, Fie upon thee, fie upon thee.


Lhig dauesyn ooilley ta dy dty hirrey, ve gennal as boggoil aynyds: as lhig dauesyn ta graihagh er dty haualtys, dy kinjagh gra, Dy row moylley gys y Chiarn.

Let all those that seek thee be joyful and glad in thee: and let such as love thy salvation say alway, The Lord be praised.


Er my hon's, ta mee boght as ymmyrchagh: agh ta'n Chiarn kiarail er my hon.

As for me, I am poor and needy: but the Lord careth for me.


Uss my er-coonee as my er-kionnee: ny lhig shaghey foddey, O my Yee.

Thou art my helper and redeemer: make no long tarrying, O my God.