The Bible


Dooyrt mee, Goym tastey jeh my raaidyn: nagh jean-ym peccah lesh my hengey.

I said, I will take heed to my ways: that I offend not in my tongue.


Smaght-ym my veeal myr lesh streean: choud as ta'n vee-chrauee ayns my hilley.

I will keep my mouth as it were with a bridle: while the ungodly is in my sight.


Chumm mee my hengey, as cha loayr mee veg: va mee my-host, dy jarroo veih goan mie; agh va shoh pian as trimshey dou.

I held my tongue, and spake nothing: I kept silence, yea, even from good words; but it was pain and grief to me.


Va my chree cheh er cheu-sthie jee'm; as choud va mee myr shoh ayns smooinaghtyn dowin, ren yn aile greesaghey: as ec y jerrey loayr mee lesh my hengey.

My heart was hot within me, and while I was thus musing the fire kindled: and at the last I spake with my tongue.


Hiarn, cur toiggal dou jeh my yerrey, as earroo my laghyn: dy vod fys ve aym cre cha giare ta my vea.

Lord, let me know mine end, and the number of my days: that I may be certified how long I have to live.


Cur-my-ner, t'ou uss er n'yannoo my laghyn myr lhiurid reaish: as cha vel my eash agh myr red gyn veg dy ve soyllit hoods; as dy firrinagh ta dy chooilley ghooinney bio ooilley-cooidjagh fardail.

Behold, thou hast made my days as it were a span long; and mine age is even as nothing in respect of thee: and verily every man living is altogether vanity.


Son ta dooinney gimmeeaght ayns scadoo fardalagh, as dy voïrey eh-hene ayns fardail: t'eh stoyral seose berchys, as cha vel fys echey quoi yiow soylley jeu.

For man walketh in a vain shadow, and disquieteth himself in vain: he heapeth up riches, and cannot tell who shall gather them.


As nish, Hiarn, cre ta my hreishteil? ta my hreishteil dy jarroo aynyd's.

And now, Lord, what is my hope: truly my hope is even in thee.


Livrey mee veih ooilley my loghtyn: as ny lhig dou 've son craid da'n vooinjer vee-chrauee:

Deliver me from all mine offences: and make me not a rebuke unto the foolish.


Va mee my-host, as cha doshil mee my veeal: son dty yannoo's ve.

I became dumb, and opened not my mouth: for it was thy doing.


Scugh dty cherraghey voym: ta mee dy jarroo ceaut fo errey hrome dty laue.

Take thy plague away from me: I am even consumed by the means of thy heavy hand.


Tra t'ou uss ayns dty chorree smaghtaghey dooinney son peccah, t'ou coyrt er yn aalid echey goll mow, myr dy beagh eh garmad eeit lesh lhemeen: cha vel dy chooilley ghooinney er-y-fa shen agh fardail.

When thou with rebukes dost chasten man for sin, thou makest his beauty to consume away, like as it were a moth fretting a garment: every man therefore is but vanity.


Eaisht rish my phadjer, O Hiarn, as lesh dty chleayshyn cur geill da my accan: ny bee uss dty-host ec my yheïr;

Hear my prayer, O Lord, and with thine ears consider my calling: hold not thy peace at my tears.


Son ta mish my yoarree mayrt's, as my hroailtagh: myr va ooilley m'ayraghyn.

For I am a stranger with thee: and a sojourner, as all my fathers were.


O ymmyrk lhiam son tammylt beg, dy voddym my niart y gheddyn reesht: roish my vaagym yn seihll shoh, as nagh bee'm arragh er my akin.

O spare me a little, that I may recover my strength: before I go hence, and be no more seen.