The Bible

1

Ny cur oghsan dooys, O Hiarn, ayns dty chorree: chamoo jean m'y smaghtaghey ayns dty yymmoose hrome.

Put me not to rebuke, O Lord, in thine anger: neither chasten me in thy heavy displeasure.

2

Son ta dty hideyn soit dy shickyr aynym: as ta dty laue lhie orrym dy trome.

For thine arrows stick fast in me: and thy hand presseth me sore.

3

Cha vel veg y slaynt ayns m'eill kyndagh rish dty yymmoose: chamoo ta fea erbee ayns my chraueyn, kyndagh rish my pheccah.

There is no health in my flesh, because of thy displeasure: neither is there any rest in my bones, by reason of my sin.

4

Son ta my pheccaghyn er n'gholl harrish my chione: as t'ad myr errey seaghnagh, ro hrome er my hon dy ymmyrkey.

For my wickednesses are gone over my head: and are like a sore burden, too heavy for me to bear.

5

Ta soar trome jeh my lhottyn, as t'ad breinn: trooid my ommijys.

My wounds stink, and are corrupt: through my foolishness.

6

Ta mee er jeet gys lheid y seaghyn mooar as treihys: dy vel mee goll dobberan fey-ny-laa.

I am brought into so great trouble and misery: that I go mourning all the day long.

7

Son ta my veeaghyn lhieent lesh doghan trome: as cha vel ayrn erbee slane ayns my chorp.

For my loins are filled with a sore disease: and there is no whole part in my body.

8

Ta mee moal, as guint dy trome: ta mee er yllaghey son eer angaish my chree.

I am feeble, and sore smitten: I have roared for the very disquietness of my heart.

9

Hiarn, ta fys ayd er ooilley my yeearree: as cha vel my accan keillit voïd's.

Lord, thou knowest all my desire: and my groaning is not hid from thee.

10

Ta my chree pandoogh, ta my niart er my ailleil: as ta soilshey my hooillyn er gholl voym.

My heart panteth, my strength hath failed me: and the light of mine eyes is gone from me.

11

Hass my chaarjyn as my naboonyn jeeaghyn er my heaghyn: as hass my gheiney-mooinjerey foddey jeh.

My lovers and my neighbours did stand looking upon my trouble: and my kinsmen stood afar off.

12

Adsyn neesht va sleeuit er my vioys, ren ribbaghyn y hoiaghey er my hon: as ren adsyn va shirrey dy yannoo aggair dou, taggloo jeh olkys, as smooinaghtyn er molteyraght fey-ny-laa.

They also that sought after my life laid snares for me: and they that went about to do me evil talked of wickedness, and imagined deceit all the day long.

13

Er my hon's va mee myr dooinney bouyr nagh row clashtyn: as myr fer ta balloo, nagh vel fosley e veeal.

As for me, I was like a deaf man, and heard not: and as one that is dumb, who doth not open his mouth.

14

Va mee dy jarroo myr dooinney nagh vel clashtyn: as nagh vel fockle echey dy ghra er e hon hene.

I became even as a man that heareth not: and in whose mouth are no reproofs.

15

Son ort's, O Hiarn, ta mee er choyrt my varrant: nee uss m'y reggyrt, O Hiarn my Yee.

For in thee, O Lord, have I put my trust: thou shalt answer for me, O Lord my God.

16

Ta mee er yeearree nagh jinnagh adsyn, dy jarroo my noidyn boggyssagh harrym: son tra ren my chass skyrraghtyn, ghow ad mooarane boggey m'o?.

I have required that they, even mine enemies, should not triumph over me: for when my foot slipped, they rejoiced greatly against me.

17

As ta mish, dy firrinagh, soit ayns y cherraghey trome: as ta my hrimshey kinjagh kiongoyrt rhym.

And I, truly, am set in the plague: and my heaviness is ever in my sight.

18

Son nee'm goaill-rish my olkys: as bee'm trimshagh son my pheccah.

For I will confess my wickedness: and be sorry for my sin.

19

Agh ta my noidyn bio as niartal: as t'adsyn ta dwoaie oc orrym gyn oyr, ymmodee ayns earroo.

But mine enemies live, and are mighty: and they that hate me wrongfully are many in number.

20

Adsyn neesht ta cooilleeney olk son mie, t'ad m'oï: er-yn-oyr dy vel mee geiyrt er shen ny ta mie.

They also that reward evil for good are against me: because I follow the thing that good is.

21

Ny treig mee, O Hiarn my Yee: ny bee uss foddey voym.

Forsake me not, O Lord my God: be not thou far from me.

22

Jean siyr dy chooney lhiam: O Hiarn Yee my haualtys.

Haste thee to help me: O Lord God of my salvation.