The Bible


Ta my chree ginsh dou olkys y vee-chrauee: nagh vel veg yn aggle dy Yee roish e hooillyn.

My heart sheweth me the wickedness of the ungodly: that there is no fear of God before his eyes.


Son t'eh brynneraght rish hene ayns e hilley hene: derrey vees e pheccah eajee er ny gheddyn magh.

For he flattereth himself in his own sight: until his abominable sin be found out.


Ta goan e veeal neu ynrick as lane dy oalsaght: t'eh er vaagail jeh dy ymmyrkey eh-hene dy creeney, as jeh jannoo dy mie.

The words of his mouth are unrighteous, and full of deceit: he hath left off to behave himself wisely, and to do good.


T'eh smooinaghtyn er olk er e lhiabbee as cha vel eh er hoiaghey eh-hene ayns raad mie erbee: chamoo t'eh cur dwoaie da'n red ta olk.

He imagineth mischief upon his bed, and hath set himself in no good way: neither doth he abhor any thing that is evil.


Ta dty vyghin, O Hiarn, roshtyn gys ny niaughyn: as dty ynrickys gys ny bodjallyn.

Thy mercy, O Lord, reacheth unto the heavens: and thy faithfulness unto the clouds.


Ta dty chairys shassoo myr ny sleityn ard: ta dty vriwnyssyn goll-rish y diunid vooar.

Thy righteousness standeth like the strong mountains: thy judgements are like the great deep.


Coadee uss, Hiarn, chammah dooinney as baagh; Cre cha ooasle ta dty vyghin, O Yee: as ver cloan gheiney nyn marrant fo scaa dty skianyn.

Thou, Lord, shalt save both man and beast; How excellent is thy mercy, O God: and the children of men shall put their trust under the shadow of thy wings.


Bee ad er nyn yannoo magh lesh palchey dty hie: as ver-uss daue jough dty eunyssyn myr ass yn awin.

They shall be satisfied with the plenteousness of thy house: and thou shalt give them drink of thy pleasures, as out of the river.


Son mayrts ta farrane y vea: as ayns dty hoilshey nee mayd fakin soilshey.

For with thee is the well of life: and in thy light shall we see light.


O sheeyn magh dty chenjallys-ghraihagh hucsyn ta coyrt enney ort: as dty chairys dauesyn ta firrinagh ayns cree.

O continue forth thy loving-kindness unto them that know thee: and thy righteousness unto them that are true of heart.


O ny lhig da'n chass dy voyrn cheet m'oï: as ny lhig da laue ny mee-chrauee m'y hilgey sheese.

O let not the foot of pride come against me: and let not the hand of the ungodly cast me down.


Shen y raad t'ad er duittym, ooilley ny ta gobbraghey mee-chairys: t'ad er nyn dilgey sheese, as cha bee bree ayndoo dy hassoo.

There are they fallen, all that work wickedness: they are cast down, and shall not be able to stand.