The Bible

Gow-jee boggey ayns y Chiarn, O shiuish sleih cairagh: son te feer chooie da'n sleih ynrick dy ve booisal.

Rejoice in the Lord, O ye righteous: for it becometh well the just to be thankful.

Moylley-jee yn Chiarn lesh y chlaasagh: gow-jee arraneyn-moyllee da lesh y lute, as y ghreïe-chiaull dy yheih strengyn.

Praise the Lord with harp: sing praises unto him with the lute, and instrument of ten strings.

Gow-jee arrane noa gys y Chiarn: trog-jee seose nyn goraa huggeysyn ayns bingys dy jeean as lesh cree gennal.

Sing unto the Lord a new song: sing praises lustily unto him with a good courage.

Son ta goo yn Chiarn firrinagh: as ooilley e obbraghyn ynrick.

For the word of the Lord is true: and all his works are faithful.

T'eh graihagh er cairys as briwnys: ta'n seihll lane jeh mieys y Chiarn.

He loveth righteousness and judgement: the earth is full of the goodness of the Lord.

Liorish goo yn Chiarn va ny niaughyn er nyn groo: as ooilley ny pooaraghyn oc liorish ennal e veeal,

By the word of the Lord were the heavens made: and all the hosts of them by the breath of his mouth.

T'eh chaglym ushtaghyn ny marrey cooidjagh, myr carnane: as freayll fo yn diunid vooar myr ayns thie-tashtee

He gathereth the waters of the sea together, as it were upon an heap: and layeth up the deep, as in a treasure-house.

Lhig da'n seihll ooilley aggle 'ghoaill roish y Chiarn: bee-jee er creau roishyn, ooilley shiuish cummaltee yn thallooin.

Let all the earth fear the Lord: Stand in awe of him, all ye that dwell in the world.

Son loayr eh, as ve jeant: hug eh sarey, as hass eh shickyr.

For he spake, and it was done: he commanded, and it stood fast.

Ta'n Chiarn coyrt bun-ry-skyn coyrle n ashoonyn: as cur er saaseyn croutagh y phobble dy ve gyn-ymmyd, as cur shaghrynys er coyrleyn ny princeyn.

The Lord bringeth the counsel of the heathen to nought: and maketh the devices of the people to be of none effect, and casteth out the counsels of princes.

Nee coyrle y Chiarn farraghtyn son dy bragh: as smooinaghtyn e chree veih sheeloghe gys sheeloghe.

The counsel of the Lord shall endure for ever: and the thoughts of his heart from generation to generation.

Bannit yn pobble ta'n Jee oc yn Chiarn Jehovah: as bannit ta'n sleih t'eh er reih son e eiraght.

Blessed are the people, whose God is the Lord Jehovah: and blessed are the folk, that he hath chosen to him to be his inheritance.

Yeeagh y Chiarn neose veih niau, as chur eh my-ner ooilley cloan gheiney: veih stoyl-reeoil e ynnyd-vaghee ta sooill echey er cummaltee yn theihll.

The Lord looketh down from heaven, and beholdeth all the children of men: from the habitation of his dwelling he considereth all them that dwell on the earth.

T'eh cummey ooilley ny creeaghyn oc: as toiggal ooilley nyn obbraghyn.

He fashioneth all the hearts of them: and understandeth all their works.

Cha vel ree erbee oddys v'er ny hauail liorish niart e heshaght-chaggee: chamoo ta dooinney lajer erbee er ny livrey liorish mooarane niart.

There is no king that can be saved by the multitude of an host: neither is any mighty man delivered by much strength.

Cha vel cabbyl coontit agh red fardalagh dy hauail dooinney: chamoo oddys eh livrey dooinney erbee liorish mooadys e niart.

A horse is counted but a vain thing to save a man: neither shall he deliver any man by his great strength.

Cur-my-ner ta sooill y Chiarn orroosyn ta goaill aggle roish: as orroosyn ta coyrt nyn dreishteil ayns e vyghin.

Behold, the eye of the Lord is upon them that fear him: and upon them that put their trust in his mercy;

Dy livrey yn annym oc veih baase: as dy veaghey ad ayns earish dy ghenney.

To deliver their soul from death: and to feed them in the time of dearth.

Ta'n annym ain dy meen er ny ve farkiaght er y Chiarn: she eshyn nyn gooney as nyn vendeilagh.

Our soul hath patiently tarried for the Lord: for he is our help, and our shield.

Son gowee nyn gree boggey aynsyn: er-nyn-oyr dy vel shin er hreishteil ayns e ennym casherick.

For our heart shall rejoice in him: because we have hoped in his holy Name.

Lhig da dty chenjallys vyghinagh, O Hiarn, ve orrin: 'naght myr ta shin cur nyn dreishteil aynyd.

Let thy merciful kindness, O Lord, be upon us: like as we do put our trust in thee.