The Bible

Bannit t'eshyn ta e neu-chairys er ny leih da: as e pheccah er ny choodaghey.

Blessed is he whose unrighteousness is forgiven: and whose sin is covered.

Bannit yn dooinney nagh vel y Chiarn cur peccah erbee ny lieh: as ayns e chree nagh vel kialg erbee.

Blessed is the man unto whom the Lord imputeth no sin: and in whose spirit there is no guile.

Son choud as chumm mee my hengey: ren my chraueyn shymley ersooyl trooid my accan gagh-laa.

For while I held my tongue: my bones consumed away through my daily complaining.

Son ta dty laue trome orrym laa as oie: as ta soo my chorp myr chirmagh-loshtee yn tourey.

For thy hand is heavy upon me day and night: and my moisture is like the drought in summer.

Goym rish my pheccah hood's: as my neu-chairys cha vel mee er cheiltyn.

I will acknowledge my sin unto thee: and mine unrighteousness have I not hid.

Dooyrt mee, Nee'm goaill-rish my pheccaghyn gys y Chiarn: as myr shen ren uss olkys my pheccah y leih dou.

I said, I will confess my sins unto the Lord: and so thou forgavest the wickedness of my sin.

Son shoh nee dagh dooinney ta crauee, jannoo e phadjer hood, ayns traa oddys oo v'er dty gheddyn: agh ayns ny thooillaghyn mooarey dy ushtey cha jig ad ny choair.

For this shall every one that is godly make his prayer unto thee, in a time when thou mayest be found: surely the great water-floods shall not come nigh him.

T'ou uss ynnyd dy m'ollaghey ayn, nee uss m'y choadey veih seaghyn: nee oo m'y chombaasal er dy chooilley heu lesh arraneyn-moyllee dy livrey-ys.

Thou art a place to hide me in, thou shalt preserve me from trouble: thou shalt compass me about with songs of deliverance.

Ver-yms tushtey dhyt, as ynsee-ym dhyt yn raad t'ou dy ghoaill: as nee'm dty leeideil lesh my hooill.

I will inform thee, and teach thee in the way wherein thou shalt go: and I will guide thee with mine eye.

Ny bee-jee shiuish goll-rish cabbyl ny mule, ta fegooish tushtey: yn beeal oc shegin y ve smaghtit lesh beealraghyn as streean, er-aggle dy roie ad ort.

Be ye not like to horse and mule, which have no understanding: whose mouths must be held with bit and bridle, else they will not obey thee.

Ta kerraghey trome cour ny mee-chrauee: agh eshyn ta coyrt e varrant er y Chiarn, ta myghin lhiantyn huggey er dagh cheu.

Great plagues remain for the ungodly: but whoso putteth his trust in the Lord, mercy embraceth him on every side.

Bee-jee gennal, O shiuish sleih ynrick, as gow-jee boggey ayns y Chiarn: as bee-jee gerjoil, ooilley shiuish ta firrinagh ayns cree.

Be glad, O ye righteous, and rejoice in the Lord: and be joyful, all ye that are true of heart.