The Bible
- Genesis
- Exodus
- Leviticus
- Numbers
- Deuteronomy
- Joshua
- Judges
- Ruth
- 1 Samuel
- 2 Samuel
- 1 Kings
- 2 Kings
- 1 Chronicles
- 2 Chronicles
- Ezra
- Nehemiah
- Esther
- Job
- Psalm 1
- Proverbs
- Ecclesiastes
- Song of Solomon
- Isaiah
- Jeremiah
- Lamentations
- Ezekiel
- Daniel
- Hosea
- Joel
- Amos
- Obadiah
- Jonah
- Micah
- Nahum
- Habakkuk
- Zephaniah
- Haggai
- Zechariah
- Malachi
- Matthew
- Mark
- Luke
- John
- Acts
- Romans
- 1 Corinthians
- 2 Corinthians
- Galatians
- Ephesians
- Philippians
- Colossians
- 1 Thessalonians
- 2 Thessalonians
- 1 Timothy
- 2 Timothy
- Titus
- Philemon
- Hebrews
- James
- 1 Peter
- 2 Peter
- 1 John
- 2 John
- 3 John
- Jude
- Revelation
- 1
- 2
- 3
- 4
- 5
- 6
- 7
- 8
- 9
- 10
- 11
- 12
- 13
- 14
- 15
- 16
- 17
- 18
- 19
- 20
- 21
- 22
- 23
- 24
- 25
- 26
- 27
- 28
- 29
- 30
- 31
- 32
- 33
- 34
- 35
- 36
- 37
- 38
- 39
- 40
- 41
- 42
- 43
- 44
- 45
- 46
- 47
- 48
- 49
- 50
- 51
- 52
- 53
- 54
- 55
- 56
- 57
- 58
- 59
- 60
- 61
- 62
- 63
- 64
- 65
- 66
- 67
- 68
- 69
- 70
- 71
- 72
- 73
- 74
- 75
- 76
- 77
- 78
- 79
- 80
- 81
- 82
- 83
- 84
- 85
- 86
- 87
- 88
- 89
- 90
- 91
- 92
- 93
- 94
- 95
- 96
- 97
- 98
- 99
- 100
- 101
- 102
- 103
- 104
- 105
- 106
- 107
- 108
- 109
- 110
- 111
- 112
- 113
- 114
- 115
- 116
- 117
- 118
- 119
- 120
- 121
- 122
- 123
- 124
- 125
- 126
- 127
- 128
- 129
- 130
- 131
- 132
- 133
- 134
- 135
- 136
- 137
- 138
- 139
- 140
- 141
- 142
- 143
- 144
- 145
- 146
- 147
- 148
- 149
- 150
Aynyd's, O Hiarn, ta mee er choyrt my hreishteil: ny lhig dou dy bragh v'er my choyrt gys nearey; livrey mee ayns dty chairys.
In thee, O Lord, have I put my trust: let me never be put to confusion, deliver me in thy righteousness.
Croym sheese dty chleaysh hym: jean siyr dy my livrey.
Bow down thine ear to me: make haste to deliver me.
As bee uss my chreg lajer, as thie my endeilys: dy vod oo m'y hauail.
And be thou my strong rock, and house of defence: that thou mayest save me.
Son uss my chreg lajer, as my chashtal bee uss neesht my leeideilagh, as cur mee er y raad er graih dt' Ennym.
For thou art my strong rock, and my castle: be thou also my guide, and lead me for thy Name's sake.
Tayrn mee ass y ribbey t'ad er hoiaghey dy follit er my hon: son uss my niart.
Draw me out of the net, that they have laid privily for me: for thou art my strength.
Gys dty laueyn ta mee treishteil m'annym: son t'ou er my livrey, O Hiarn, uss Jee yn ynrickys.
Into thy hands I commend my spirit: for thou hast redeemed me, O Lord, thou God of truth.
Ta dwoaie er ve aym orroosyn ta geiyrt er ny cliaghtaghyn faase-chredjuagh [dy obbeeys]: as ta my hreishteil er ny ve ayns y Chiarn.
I have hated them that hold of superstitious vanities: and my trust hath been in the Lord.
Bee'm gennal, as nee'm boggey 'ghoaill ayns dty vyghin: son t'ou er choyrt tastey da my heaghyn, as er chooinaghtyn er my annym ayns treihys.
I will be glad and rejoice in thy mercy: for thou hast considered my trouble, and hast known my soul in adversities.
Cha vel oo er my yeigh seose ayns laue my noid: agh er hoiaghey my chassyn ayns boayl dy reamys.
Thou hast not shut me up into the hand of the enemy: but hast set my feet in a large room.
Jean myghin orrym, O Hiarn, son ta mee ayns seaghyn: as ta my hoilshey er n'aase moal lesh eer trimshey; dy jarroo my annym as my challin.
Have mercy upon me, O Lord, for I am in trouble: and mine eye is consumed for very heaviness; yea my soul and my body.
Son ta my vea er n'aase shenn lesh trimshey: as my vleeantyn lesh dobberan.
For my life is waxen old with heaviness: and my years with mourning.
Ta my niart dy m'ailleil, kyndagh rish my vee-chraueeaght: as ta my chraueyn er choayl nyn mioyr.
My strength faileth me, because of mine iniquity: and my bones are consumed.
Haink mee dy ve son oltooan mastey ooilley my noidyn, agh er-lheh mastey my naboonyn: as ren adsyn jeh m'ainjys roie er-chea voym, as adsyn honnick mee er y raad ren ad m'y haghney.
I became a reproof among all mine enemies, but especially among my neighbours: and they of mine acquaintance were afraid of me; and they that did see me without conveyed themselves from me.
Ta mee dy bollagh er my yarrood, myr dooinney marroo ass cooinaghtyn: ta mee coontit myr saagh brisht.
I am clean forgotten, as a dead man out of mind: I am become like a broken vessel.
Ta mee er chlashtyn jeh cooyl-chassid sleih: as ta aggle er dy chooilley heu choud as t'ad cur nyn ghing cooidjagh, as goaill coyrle dy ghoaill ersooyl my vioys.
For I have heard the blasphemy of the multitude, and fear is on every side: while they conspire together against me, and take their counsel to take away my life.
Agh ta my hreishteil er ny ve aynyds, O Hiarn: ta mish er ghra, She uss my Yee.
But my hope hath been in thee, O Lord: I have said, Thou art my God.
Ta my hraa ayns dty laue; livrey mee veih laue my noidyn: as vouesyn ta jannoo tranlaase orrym.
My time is in thy hand; deliver me from the hand of mine enemies: and from them that persecute me.
Jeeagh da dty harvaant soilshey dty eddin: as saue mee er graih dty vyghinyn.
Shew thy servant the light of thy countenance: and save me for thy mercy's sake.
Ny lhig dou tuittym giare jeh my hreishteil, O Hiarn, son ta mee er n'eamagh ort: lhig da ny mee-chrauee ve er nyn goyrt gys nearey, as er nyn goyrt nyn-dhost ayns yn oaie.
Let me not be confounded, O Lord, for I have called upon thee: let the ungodly be put to confusion, and be put to silence in the grave.
Lhig da ny meillyn breagagh ve er nyn goyrt nyn-dhost: ta dy dewil, dy mooaralagh, as dy olkyssagh loayrt noi'n vooinjer chairagh.
Let the lying lips be put to silence: which cruelly, disdainfully, and despitefully, speak against the righteous.
O cre cha palchey ta dty vieys, t'ou er chiarail nyn gour ocsyn ta goaill aggle royd: as shen t'ou er n'yannoo aarloo dauesyn ta coyrt nyn dreishteil aynyd, dy jarroo kiongoyrt rish mec gheiney!
O how plentiful is thy goodness, which thou hast laid up for them that fear thee: and that thou hast prepared for them that put their trust in thee, even before the sons of men!
Nee oo ad y choadey ayns boayl follit dty enish veih brasnaghey dy chooilley ghooinney: nee oo ad y cheiltyn ayns dty chabbane veih argane chengaghyn.
Thou shalt hide them privily by thine own presence from the provoking of all men: thou shalt keep them secretly in thy tabernacle from the strife of tongues.
Dy row booise gys y Chiarn: son t'eh er yeeaghyn dooys kenjallys yindyssagh ayns ard-valley lajer.
Thanks be to the Lord: for he hath shewed me marvellous great kindness in a strong city.
As tra va mee ayns my hiyr, dooyrt mee: Ta mish er my hilgey magh veih shilley dty hooillyn.
But in my haste I said: I am cast out of the sight of thine eyes.
Ny-yeih, hug oo clashtyn da coraa my phadjer: tra ren mee geamagh ort.
Nevertheless, thou heardest the voice of my prayer: when I cried unto thee.
O cur-jee graih da'n Chiarn, ooilley shiuish e nooghyn: son ta'n Chiarn coadey adsyn ta ynrick, as dy palchey cooilleeney eshyn ta gymmyrkey eh-hene dy mooaralagh.
O love the Lord, all ye his saints: for the Lord preserveth them that are faithful, and plenteously rewardeth the proud doer.
Bee-jee dunnal, as nee eshyn niartaghey nyn gree: shiuish ooilley ta coyrt nyn dreishteil ayns y Chiarn.
Be strong, and he shall establish your heart: all ye that put your trust in the Lord.