The Bible


Nee'n Ree boggey 'ghoaill ayns dty niart, O Hiarn: feer yennal vees eh jeh dty haualtys.

The King shall rejoice in thy strength, O Lord: exceeding glad shall he be of thy salvation.


T'ou er choyrt da yeearree e chree: as cha vel oo er n'obbal da aghin e veillyn.

Thou hast given him his heart's desire: and hast not denied him the request of his lips.


Son ver oo dasyn ro-laue bannaghtyn dy vieys: as soiaghey attey dy airh ghlen er e chione.

For thou shalt prevent him with the blessings of goodness: and shalt set a crown of pure gold upon his head.


Hirr eh bea orts as hug oo da bea liauyr: dy jarroo son dy bragh as dy bragh.

He asked life of thee, and thou gavest him a long life: even for ever and ever.


Ta'n onnor echey mooar liorish dty haualtys: gloyr as ooashley vooar ver oo ersyn.

His honour is great in thy salvation: glory and great worship shalt thou lay upon him.


Son ver uss dasyn maynrys dy bragh farraghtyn: as nee oo eh gennal lesh boggey dt'eddin.

For thou shalt give him everlasting felicity: and make him glad with the joy of thy countenance.


As cre'n-fa? son dy vel y Ree coyrt e hreishteil ayns y Chiarn: as ayns myghin yn Er smoo syrjey cha bee eh er ny scughey.

And why? because the King putteth his trust in the Lord: and in the mercy of the Most Highest he shall not miscarry.


Nee ooilley dty noidyn gennaghtyn dty laue: yiow dty laue yesh adsyn magh ta dwoaie oc ort.

All thine enemies shall feel thine hand: thy right hand shall find out them that hate thee.


Nee oo ad y yannoo myr oghe ailagh ayns traa dty chorree: nee yn Chiarn ad y stroie ayns e yymmoose, as nee yn aile ad y choyrt mow.

Thou shalt make them like a fiery oven in time of thy wrath: the Lord shall destroy them in his displeasure, and the fire shall consume them.


Yn rass oc ver oo ass ny fraueyn jeh'n thalloo: as yn sluight oc veih mastey cloan gheiney.

Their fruit shalt thou root out of the earth: and their seed from among the children of men.


Son chiare ad olkys dt'oï: as ghow ad ayns laue lheid y saase as nagh jarg ad y chooilleeney.

For they intended mischief against thee: and imagined such a device as they are not able to perform.


Shen-y-fa ver oo orroosyn cooyl y choyrt: as strengyn dty vhow nee oo aarloo noi'n eddin oc.

Therefore shalt thou put them to flight: and the strings of thy bow shalt thou make ready against the face of them.


Bee uss, Hiarn, er dty hoiaghey seose ayns dty niart hene: myr shen nee mayd goaill arrane, as moylley 'choyrt da dty phooar.

Be thou exalted, Lord, in thine own strength: so will we sing, and praise thy power.