The Bible

Eaisht rish cairys my chooish, O Hiarn, smooinee er my accan: as clasht rish my phadjer, nagh vel goll magh ass meillyn molteyragh.

Hear the right, O Lord, consider my complaint: and hearken unto my prayer, that goeth not out of feigned lips.

Lhig da'n vriwnys aym's cheet magh veih dt' enish: as lhig da dty hooillyn jeeaghyn er shen ny ta cairal.

Let my sentence come forth from thy presence: and let thine eyes look upon the thing that is equal.

T'ou er phrowal as er ronsaghey my chree ayns imbagh ny hoie; t'ou er my hirrey magh as cha vow veg yn olkys aynym: son ta mee dy slane kiarit nagh jeanym foill lesh my hengey.

Thou hast proved and visited mine heart in the night-season; thou hast tried me, and shalt find no wickedness in me: for I am utterly purposed that my mouth shall not offend.

Kyndagh rish obbraghyn deiney ta jeant noi goan dty veillyn; ta mee er reayll mee hene veih raaidyn y stroider.

As for men's works that are done against the words of thy lips: I have kept me from the ways of the destroyer.

Cumm uss seose my immeeaght ayns dty raaidyn: nagh jean my chesmadyn skyrraghtyn.

O hold thou up my goings in thy paths: that my footsteps slip not.

Ta mee er n'eamagh ort, O Yee, son nee oo m'y chlashtyn: croym dty chleaysh hym, as eaisht rish my ghoan.

I have called upon thee, O God, for thou shalt hear me: incline thine ear to me, and hearken unto my words.

Soilshee dty chenjallys-ghraihagh erskyn-insh, uss yn saualtagh ocsyn ta coyrt nyn dreishteil aynyd: veih nyn lheid ocsyn as ta shassoo noi dty laue yesh.

Shew thy marvellous loving-kindness, thou that art the Saviour of them which put their trust in thee: from such as resist thy right hand.

Jean m'y reayll myr clagh ny sooilley: follee mee fo scaa dty skianyn.

Keep me as the apple of an eye: hide me under the shadow of thy wings,

Veih'n vee-chrauee ta dy my voirey: ta my noidyn chionney orrym er dy chooilley heu dy ghoaill ersooyl my vioys.

From the ungodly that trouble me: mine enemies compass me round about to take away my soul.

T'ad dooint ayns y reuïd oc hene: as ta'n beeal oc loayrt reddyn mooaralagh.

They are inclosed in their own fat: and their mouth speaketh proud things.

T'ad lhie farkiaght ayns y raad ain er dy chooilley heu: chyndaa nyn sooillyn sheese gys y thalloo.

They lie waiting in our way on every side: turning their eyes down to the ground;

Myr y lion ta jollyssagh er e heilg: as myr y lion aeg ta lhie gyn-yss ayns ynnydyn follit.

Like as a lion that is greedy of his prey: and as it were a lion's whelp, lurking in secret places.

Seose, Hiarn, cur e haaseyn mow, as ceau sheese eh: livrey m'annym veih'n vee-chrauee, ta myr cliwe ayns dty laue;

Up, Lord, disappoint him, and cast him down: deliver my soul from the ungodly by thine own sword;

Veih deiney dty laue, O Hiarn, veih ny deiney, ta mee gra, as veih'n drogh-heihll: ta'n toghyr oc 'sy vea shoh, ny builg oc t'ou dy lhieeney lesh dty verchys follit.

Yea, by thine hand, O Lord, from the men of the evil world: which have their portion in this life, whose bellies thou fillest with thy treasure.

Ta cloan oc lurg nyn aigney: as t'ad faagail ny ta er-mayrn jeh nyn merchys da

They have children at their desire: and leave the rest of their substance for their babes.

Agh er my hon's, neem's fakin dt eddin ayns cairys: as tra nee'm doostey seose lurg dty chaslys, yioym yn slane soylley jeh.

But as for me, I will behold thy presence in righteousness: and when I awake up after thy likeness, I shall be satisfied with it.