The Bible

Hiarn, quoi nee baghey ayns dty chabbane-agglish: ny quoi nee cummal er dty chronk casherick.

Lord, who shall dwell in thy tabernacle: or who shall rest upon thy holy hill?

Eshyn dy jarroo ta leeideil bea ôney; as ta jannoo yn red ta jeeragh, as ta loayrt yn irriney veih e chree.

Even he that leadeth an uncorrupt life: and doeth the thing which is right, and speaketh the truth from his heart.

Eshyn nagh vel er chliaghtey molteyraght erbee ayns e hengey, ny er n'yannoo olk da e naboo: as nagh vel er chooyl-chassid e naboo.

He that hath used no deceit in his tongue, nor done evil to his neighbour: and hath not slandered his neighbour.

Eshyn nagh vel soiaghey jeh hene, agh ta imlee ayns e hooillyn hene: as jannoo mooar jeusyn ta goaill aggle roish y Chiarn.

He that setteth not by himself, but is lowly in his own eyes: and maketh much of them that fear the Lord.

Eshyn ta loo da e naboo, as nagh vel dy volley eh: ga dy beagh eh gys e choayl hene.

He that sweareth unto his neighbour, and disappointeth him not: though it were to his own hindrance.

Eshyn nagh vel er choyrt magh e argid er use: ny er ghoaill leagh noi'n persoon gyn loght.

He that hath not given his money upon usury: nor taken reward against the innocent.

Eh ta jannoo myr shoh: cha jean eh dy bragh tuittym.

Whoso doeth these things: shall never fall