The Bible


Cre hon t'ou shassoo choud jeh, O Hiarn; as follaghey dt'eddin ayns y traa fêmoil ny heaghyn?

Why standest thou so far off, O Lord: and hidest thy face in the needful time of trouble?


Ta'n mee-chrauee dy chooilleeney e aigney hene jannoo tranlaase er y voght: lhig daue hene ve goit ayns ny kialgyn croutagh t'ad er ghoaill ayns nyn smooinaghtyn.

The ungodly for his own lust doth persecute the poor: let them be taken in the crafty wiliness that they have imagined.


Son ta'n dooinney mee-chrauee er voggyssagh jeh yeearree e chree hene: as loayrt dy mie jeh'n er sayntoilagh ta feoh ec Jee er.

For the ungodly hath made boast of his own heart's desire: and speaketh good of the covetous, whom God abhorreth.


Ta'n mee-chrauee cha mooaralagh, nagh vel geill echey da Jee: chamoo ta Jee ayns ooilley e smooinaghtyn.

The ungodly is so proud, that he careth not for God: neither is God in all his thoughts.


Ta ny raaidyn echey kinjagh seaghnagh: ta dty vriwnyssyn foddey erskyn roshtyn e hilley, as er-yn-oyr shen t'eh cur-y-laane fo ooilley e noidyn.

His ways are alway grievous: thy judgements are far above out of his sight, and therefore defieth he all his enemies.


Son t'eh er ghra ayns e chree, Cha n'aggle dou, cha bee'm dy bragh er my hilgey sheese: cha daghyr skielley erbee my raad.

For he hath said in his heart, Tush, I shall never be cast down: there shall no harm happen unto me.


Ta'n beeal echey lane dy ghweeaghyn, dy oalsaght as molteyrys: fo e hengey ta mee-chraueeaght as fardail.

His mouth is full of cursing, deceit, and fraud: under his tongue is ungodliness and vanity.


T'eh soie fo-chlea myr maarliagh ayns corneilyn fadane ny straaidyn: as dy follit ayns e oayldyn dorraghey t'eh dunverys yn dooinney gyn loght; ta e hooillyn soit noi'n voght.

He sitteth lurking in the thievish corners of the streets: and privily in his lurking dens doth he murder the innocent; his eyes are set against the poor.


Son t'eh lhie farkiaght dy follit, dy jarroo myr lion t'eh ny lhie keillit ayns e ooig: dy vod eh spooilley yn boght.

For he lieth waiting secretly, even as a lion lurketh he in his den: that he may ravish the poor.


T'eh jannoo niart er y voght: tra t'eh tayrtyn eh ayns e ribbey.

He doth ravish the poor: when he getteth him into his net.


T'eh tuittym sheese, as croymmey eh hene: dy vod sheshaght ny boghtyn tuittym ayns laueyn e leeideilee.

He falleth down, and humbleth himself: that the congregation of the poor may fall into the hands of his captains.


T'eh er ghra ayns e chree, Cha vel aggle orrym, ta Jee er yarrood; t'eh follaghey e eddin, as cha der eh dy bragh geill da.

He hath said in his heart, Tush, God hath forgotten: he hideth away his face, and he will never see it.


Irree, O Hiarn Yee, as trog seose dty laue: ny jarrood yn boght.

Arise, O Lord God, and lift up thine hand: forget not the poor.


Cre'n-fa yinnagh y dooinney olkyssagh loayrt dy mollaghtagh noi Jee: choud as t'eh gra ayns e chree, cha vel aggle orrym s'cummey lhiat's, O Yee, er y hon.

Wherefore should the wicked blaspheme God: while he doth say in his heart, Tush, thou God carest not for it?


Shickyr t'ou er vakin eh: son t'ou goaill tastey jeh mee-chraueeaght as aggair.

Surely thou hast seen it: for thou beholdest ungodliness and wrong;


Dy vod oo goaill y chooish ayns dty laue hene: ta'n boght coyrt e varrant hoods; son uss yn fer-coonee ocsyn ta gyn caarjyn.

That thou mayest take the matter into thine hand: the poor committeth himself unto thee; for thou art the helper of the friendless.


Brish uss pooar yn vee-chrauee as goanlyssagh: gow ersooyl yn vee-chraueeaght echey, nagh bee veg jeh ry-gheddin.

Break thou the power of the ungodly and malicious: search out his ungodliness, until thou find none.


Ta'n Chiarn ny Ree son dy bragh as dy bragh: as ta ny ashoonyn er jerraghtyn ass y cheer.

The Lord is King for ever and ever: and the heathen are perished out of the land.


Hiarn, t'ou er chlashtyn yeearree ny boghtyn: t'ou niartaghey ny creeaghyn oc, as ta dty chleaysh geaishtagh roo;

Lord, thou hast heard the desire of the poor: thou preparest their heart, and thine ear hearkeneth thereto;


Dy chooney lesh y chloan gyn ayr as y boght gys nyn gair: nagh bee yn dooinney seihltagh ny sodjey er ny hoiaghey seose nyn 'oï.

To help the fatherless and poor unto their right: that the man of the earth be no more exalted against them.