The Bible


O Hiarn nyn Ghiannoort, cre cha ooasle ta dt' Ennym trooid ooilley'n theihll: uss ta er hoiaghey dty ghloyr erskyn ny niaughyn!

O Lord our Governor: how excellent is thy Name in all the world! Thou that hast set thy glory above the heavens:


Magh ass eer beïll oikanyn as cloan er y cheeagh t'ou er n'oardaghey niart, kyndagh rish dty noidyn: dy voddagh oo yn noid, as yn eulyssagh y chastey.

Out of the mouth of very babes and sucklings hast thou ordained strength, because of thine enemies: that thou mightest still the enemy and the avenger.


Son goym tastey jeh dty niaughyn, eer obbraghyn dty veir: yn eayst as ny rollageyn t'ou er n'oardaghey.

When I consider thy heavens, even the works of thy fingers: the moon and the stars, which thou hast ordained;


Cre ta dooinney, dy vel oo aggindagh er: as mac y dooinney dy vel oo jeeaghyn er?

What is man, that thou art mindful of him: and the son of man, that thou visitest him?


Ren oo eh ny s'inshley na ny ainlyn: dy choamrey eh lesh gloyr as ooashley.

Thou madest him lower than the angels: to crown him with glory and worship.


T'ou coyrt dasyn yn reill harrish obbraghyn dty laueyn: as er choyrt dy chooilley nhee ayns biallys fo e chassyn;

Thou makest him to have dominion of the works of thy hands: and thou hast put all things in subjection under his feet;


Dy chooilley cheyrrey as dow: as myrgeddyn beïyn y vagher;

All sheep and oxen: yea, and the beasts of the field;


Eeanlee yn aer, as eeastyn ny marrey: as cre-erbee ta snaue trooid raaidyn ny faarkaghyn.

The fowls of the air, and the fishes of the sea: and whatsoever walketh through the paths of the seas.


O Hiarn nyn Ghiannoort: cre cha ooasle ta dt' Ennym ayns ooilley yn seihll!

O Lord our Governor: how excellent is thy Name in all the world!