The Bible

Hiarn my Yee, aynyds ta mee er choyrt my hreishteil: saue mee vouesyn ooilley ta jannoo tranlaase orrym, as livrey mee;

O Lord my God, in thee have I put my trust: save me from all them that persecute me, and deliver me;

Er-aggle dy stroie eh my vioys myr lion, as eh y raipey dy peeshyn: choud as nagh vel unnane dy chooney lhiam.

Lest he devour my soul, like a lion, and tear it in pieces: while there is none to help.

O Hiarn my Yee, my ta mee er n'yannoo veg dy lheid y red: ny my ta olkys erbee ayns my laueyn;

O Lord my God, if I have done any such thing: or if there be any wickedness in my hands;

My ta mee er chooilleeney olk dasyn ren dellal dy dooie rhym: (ta mee eer er livrey eshyn ta my noid fegooish oyr;)

If I have rewarded evil unto him that dealt friendly with me: (yea, I have delivered him that without any cause is mine enemy;)

Eisht lhig da my noid eiyrtys y yannoo er m'annym, as my ghoaill: dy jarroo lhig da my vioys y stampey sheese er y thalloo, as cur my onnor ny lhie 'sy joan.

Then let mine enemy persecute my soul, and take me: yea, let him tread my life down upon the earth, and lay mine honour in the dust.

Irree, O Hiarn, ayns dty chorree, as trog oo hene seose, kyndagh rish farg my noidyn: shass er my hon ayns y vriwnys t'ou er harey.

Stand up, O Lord, in thy wrath, and lift up thyself, because of the indignation of mine enemies: arise up for me in the judgement that thou hast commanded.

As myr shen hig chaglym y phobble mygeayrt-y-mood: er y ghraih ocsyn eisht trog seose oo hene reesht.

And so shall the congregation of the peoples come about thee: over it therefore lift up thyself again.

Nee'n Chiarn yn pobble y vriwnys cur briwnys lhiam, O Hiarn: lurg my ynrickys, as cordail rish y neu-loghtynid t'aynym.

The Lord shall judge the peoples; give sentence with me O Lord: according to my righteousness, and according to in the innocency that is in me.

O lhig da olkys ny mee-chrauee cheet gys jerrey: agh jean uss yn sleih ynrick y leeideil.

O let the wickedness of the ungodly come to an end: but guide thou the just.

Son ta'n Jee cairal: prowal ny creeaghyn, as ny meeghyn.

For the righteous God: trieth the very hearts and reins.

Ta my chooney cheet veih Jee: ta coadey adsyn ta ynrick ayns cree.

My help cometh of God: who preserveth them that are true of heart.

Ta Jee briw cairagh, niartal as surransagh: as ta Jee er ny vrasnaghey dy chooilley laa.

God is a righteous judge, strong, and patient: and God is provoked every day.

Mannagh jean dooinney chyndaa, nee eh shleeu e chliwe: t'eh er lhoobey e vhow, as er n'yannoo eh aarloo.

If a man will not turn, he will whet his sword: he hath bent his bow, and made it ready.

T'eh er chiarail ny chour ny greinyn baaish: t'eh coyrt magh e hideyn noi ny tranlaasee.

He hath prepared for him the instruments of death: he ordaineth his arrows against the persecutors.

Cur-my-ner, t'eh er-troailt er olkys: t'eh er yiennaghtyn trimshey, as er n'ymmyrkey mee-chairys.

Behold, he travaileth with mischief: he hath conceived sorrow and brought forth ungodliness.

T'eh er vosley as er chleiy ooig: as t'eh hene er duittym ayns y ribbey v'eh kiarail da fer elley.

He hath graven and digged up a pit: and is fallen himself into the destruction that he made for other.

Son hig e obbyr er e chione hene: as tuittee yn olkys echey er e vollag hene.

For his travail shall come upon his own head: and his wickedness shall fall on his own pate.

Ver-yms booise da'n Chiarn, cordail rish e chairys: as neem's moylley Ennym y Chiarn smoo Ard.

I will give thanks unto the Lord, according to his righteousness: and I will praise the Name of the Lord Most High.