The Bible


Cur geill da my ghoan, O Hiarn: gow tastey jeh smooinaghtyn dowin my chree.

Ponder my words, O Lord: consider my meditation.


O eaisht rish coraa my eam, my Ree, as my Yee: son hood's nee'm my phadjer.

O hearken thou unto the voice of my calling, my King, and my God: for unto thee will I make my prayer.


My choraa clynnee uss dy leah, O Hiarn: dy moghey neem's my phadjer y hebbal hood's, as jeeaghyn seose.

My voice shalt thou hear betimes, O Lord: early in the morning will I direct my prayer unto thee, and will look up.


Son she uss y Jee nagh vel veg y taitnys ayd ayns mee-chraueeaght: chamoo nee olk erbee baghey mayrt.

For thou art the God that hast no pleasure in wickedness: neither shall any evil dwell with thee.


Cha jean nyn lheid as ta ommijagh shassoo ayns dty enish: son ta dwoaie ayd orroosyn ooilley ta jannoo mee-chairys.

Such as be foolish shall not stand in thy sight: for thou hatest all them that work vanity.


Nee uss adsyn y stroie ta loayrt breagyn: ver y Chiarn feoh chammah da'n dooinney folley as da'n er molteyragh.

Thou shalt destroy them that speak lies: the Lord will abhor both the blood-thirsty and deceitful man.


Agh er my hon's, hig-ym gys dty hie, er eer ymmodee dty vyghin: as ayns dty aggle ver-yms ooashley kiongoyrt rish dty hiamble casherick.

But as for me, I will come into thine house, even upon the multitude of thy mercy: and in thy fear will I worship toward thy holy temple.


Leeid mee, O Hiarn, ayns dty chairys, kyndagh rish my noidyn: jean dty raad rea roish m'eddin.

Lead me, O Lord, in thy righteousness, because of mine enemies: make thy way plain before my face.


Son cha vel veg y firrinys ayns e veeal: ta ny ayrnyn cheu-sthie oc eer olkys.

For there is no faithfulness in his mouth: their inward parts are very wickedness.


Ta'n scornagh oc oaie foshlit: t'ad brynneraght lesh nyn jengey.

Their throat is an open sepulchre: they flatter with their tongue.


Stroie uss adsyn O Yee: lhig daue cherraghtyn liorish nyn goyrleyn hene: tilg ad magh ayns ymmodee nyn mee-chrauee aght; son t'ad er n'irree-magh dt'oï.

Give sentence upon them, O God; let them perish through their own imaginations: cast them out in the multitude of their ungodliness; for they have rebelled against thee.


As lhig dauesyn ooilley ta coyrt nyn dreishteil aynyds, boggey 'ghoaill: bee adsyn dy-kinjagh coyrt booise, son dy vel oo fendeil ad; adsyn ta graihagh er dt' Ennym, vees lane dy voggey aynyds.

And let all them that put their trust in thee rejoice: they shall ever be giving of thanks, because thou defendest them; they that love thy Name shall be joyful in thee;


Son ver uss, Hiarn, dty vannaght da'n fer-cairal: as lesh dty chenjallys foayroil nee oo eshyn y endeil myr lesh eïlley-caggee.

For thou, Lord, wilt give thy blessing unto the righteous: and with thy favourable kindness wilt thou defend him as with a shield.