The Bible


Clasht rhym tra ta mee geamagh, O Yee my chairys: t'ou er choyrt feaysley dooys tra va mee ayns seaghyn; jean myghin orrym, as eaisht rish my phadjer.

Hear me when I call, O God of my righteousness: thou hast set me at liberty when I was in trouble; have mercy upon me, and hearken unto my prayer.


O shiuish vec gheiney, caïd nee shiu goltooan my ooashley: as goaill lheid y taitnys ayns coyrleyn fardalagh as geiyrt da breagyn?

O ye sons of men, how long will ye blaspheme mine honour: and have such pleasure in vanity, and seek after lying?


Toig-jee shoh neesht, dy vel y Chiarn er reih da hene yn dooinney ta crauee: tra nee'm geamagh er y Chiarn, nee eh clashtyn rhym.

Know this also, that the Lord hath chosen to himself the man that is godly: when I call upon the Lord, he will hear me.


Shass-jee ayns aggle, as ny jean-jee peccah: smooinee-jee dy dowin ayns nyn gree hene, as ayns nyn shamyr, as bee-jee ec shee.

Stand in awe, and sin not: commune with your own heart, and in your chamber, and be still.


Cheb-jee yn oural dy chairys: as cur-jee nyn dreishteil ayns y Chiarn.

Offer the sacrifice of righteousness: and put your trust in the Lord.


Shimmey t'ayn ta gra: Quoi yeeaghys dooin veg y vie?

There be many that say: Who will shew us any good?


Hiarn, trog uss seose: soilshey dt'eddin orrin.

Lord, lift thou up: the light of thy countenance upon us.


T'ou er choyrt gennallys ayns my chree: er dyn traa dy ren yn arroo, as y feeyn, as yn ooill ocsyn bishaghey.

Thou hast put gladness in my heart: more than men have, when corn and wine increase.


Neem's lhie sheese ayns shee, as goaill my ea: son she uss Hiarn, dty lomarcan, ta coyrt orrym baghey ayns sauchys.

I will lay me down in peace, and take my rest: for it is thou, Lord, only, that makest me dwell in safety.