The Bible


Cre'n-fa ta ny ashoonyn cha eulyssagh girree-magh lesh y cheilley: as cre hon ta'n sleih goaill red ommijagh ayns nyn gione.

Why do the nations so furiously rage together: and why do the peoples imagine a vain thing?


Ta reeaghyn y thallooin troggal seose, as ta ny fir-reill goaill coyrle cooidjagh: noi'n Chiarn, as noi'n fer-ooilit echey.

The kings of the earth stand up, and the rulers take counsel together: against the Lord, and against his anointed, saying,


Lhig dooin brishey ny kianlaghyn oc veih-my cheilley: as y whing oc y cheau ersooyl j'in.

Let us break their bonds asunder: and cast away their cords from us.


Eshyn ta baghey ayns niau gharys orroo lesh craid: bee ad ec y Chiarn ayns faghid.

He that dwelleth in heaven shall laugh them to scorn: the Lord shall have them in derision.


Eisht nee eh loayrt roo ayns e chorree: as ver eh sneih orroo ayns trimmid e yymmoose.

Then shall he speak unto them in his wrath: and vex them in his sore displeasure.


Agh ta mish er hoiaghey seose my Ree: er Sion my chronk casherick.

Yet have I set my king: upon my holy hill of Sion.


Neem's y leigh y phreacheil, my-e-chione ta'n Chiarn er ghra rhym: Uss my Vac, jiu yn laa ta mee er dty gheddyn.

I will declare the decree: the Lord hath said. unto me, Thou art my son, this day have I begotten thee.


Shirr orrym, as ver-ym dhyt ny ashoonyn son dty eiraght: as ny ayrnyn sodjey magh jeh'n theihll fo dty rere.

Desire of me, and I shall give thee the nations for thine inheritance: and the utmost parts of the earth for thy possession.


Nee uss ad y vroo lesh lorg reill dy yiarn: as brishey ad ayns peeshyn myr saagh-craie.

Thou shalt bruise them with a rod of iron: and break them in pieces like a potter's vessel.


Gow-jee keeayl nish er-y-fa shen, O shiuish reeaghyn: gow-jee raaue shiuish ta briwnyn y thallooin.

Be wise now therefore, O ye kings: be admonished, ye that are judges of the earth.


Shirveish-jee yn Chiarn lesh aggle: as gow-jee boggey ayn lesh arrym.

Serve the Lord in fear: and rejoice unto him with reverence.


Cur-jee ooashley da'n Mac, nagh bee eh jymmoosagh, as myr shen shiu dy herraghtyn veih'n raad cair: my vees e chorree er ny vrasnaghey, (agh ny veggan;) bannit t'adsyn ooilley ta coyrt nyn dreishteil aynsyn.

Kiss the son, lest he be angry, and so ye perish from the right way, if his wrath be kindled, yea but a little: blessed are all they that put their trust in him.