The Bible

Loayr Elihu ny-sodjey, as dooyrt eh,

Elihu spake moreover, and said,

Vel oo smooinaghtyn dy vel shoh cairagh, dy dooyrt oo, Ta my chairys erskyn cairys Yee?

Thinkest thou this to be right, that thou saidst, My righteousness is more than God's?

Son dooyrt oo, Cre'n vondeish bee eh dhyt? as, Cre'n cosney vees aym, my ta mee seyr veih my pheccah?

For thou saidst, What advantage will it be unto thee? and, What profit shall I have, if I be cleansed from my sin?

Ver-yms ansoor dhyt's, as dty heshaghyn mayrt.

I will answer thee, and thy companions with thee.

Cur-my-ner ny niaughyn, as jeeagh; as cur-my-ner ny bodjallyn, ta ny syrjey na uss.

Look unto the heavens, and see; and behold the clouds which are higher than thou.

My t'ou cur-rish peccah, cre t'ou dy yannoo n'oï? ny my ta dty ghrogh yannoo er ny vishaghey, cre oddys oo jannoo rishyn?

If thou sinnest, what doest thou against him? or if thy transgressions be multiplied, what doest thou unto him?

My t'ou cairagh, cre t'ou dy chur da? ny cre t'eh geddyn veih dty laue?

If thou be righteous, what givest thou him? or what receiveth he of thine hand?

Foddee dt'olkys jannoo aggair da dooinney myr t'ou hene, as foddee dty chairys ve vondeishagh da mac dooinney.

Thy wickedness may hurt a man as thou art; and thy righteousness may profit the son of man.

Liorish dewilys y tranlaase ta ny tranlaasit gaccan; t'ad geam fo roih trome ny mooaralee:

By reason of the multitude of oppressions they make the oppressed to cry: they cry out by reason of the arm of the mighty.

Agh cha vel unnane gra, C'raad ta Jee m'Er-croo, ta coyrt arraneyn 'syn oie;

But none saith, Where is God my maker, who giveth songs in the night;

Ta gynsaghey shin ny smoo na maase y vagheragh, as jannoo shin ny s'creeney na eeanlee'n aer?

Who teacheth us more than the beasts of the earth, and maketh us wiser than the fowls of heaven?

Shen y raad t'ad geamagh, agh cha vel fer dy reggyrt ad, kyndagh rish mooaralys drogh-gheiney.

There they cry, but none giveth answer, because of the pride of evil men.

Son shickyrys cha jean Jee geaishtagh rish fardalys, chamoo nee'n Ooilley-niartal cur geill da.

Surely God will not hear vanity, neither will the Almighty regard it.

Ga t'ou gra nagh jean oo eshyn y akin, ny-yeih ta briwnys kiongoyrt rish; shen-y-fa cur uss dty varrant ersyn.

Although thou sayest thou shalt not see him, yet judgment is before him; therefore trust thou in him.

Agh nish, er-yn-oyr nagh vel eh goaill kerraghey ayns e yymmoose, as nagh vel Job ayns mooadys e heaghyn er hoiggal eh;

But now, because it is not so, he hath visited in his anger; yet he knoweth it not in great extremity:

Shen-y-fa t'eh fosley e veeal ayns fardail: t'eh branlaadee lesh e ghoan.

Therefore doth Job open his mouth in vain; he multiplieth words without knowledge.