The Bible

Ny-sodjey dreggyr Elihu, as dooyrt eh,

Furthermore Elihu answered and said,

Eaisht-jee rish my ghoan, O shiuish gheiney creeney; as cur-jee clashtyn dou shiuish gheiney tushtagh:

Hear my words, O ye wise men; and give ear unto me, ye that have knowledge.

Son ta'n chleaysh prowal goan, myr ta'n beeal dy vlaystyn bee.

For the ear trieth words, as the mouth tasteth meat.

Lhig dooin reih dooin hene briwnys lhig dooin toiggal rooin hene cre ta cair.

Let us choose to us judgment: let us know among ourselves what is good.

Son ta Job er ghra, Ta mee cairal: as ta Jee gobbal dy my heyrey.

For Job hath said, I am righteous: and God hath taken away my judgment.

Ny lhig dou ve breagagh noi'n irriney: ta my lhott gyn lheihys, as shen gyn oyr.

Should I lie against my right? my wound is incurable without transgression.

Quoi'n dooinney ta casley rish Job, ta sluggey oltooan myr ushtey;

What man is like Job, who drinketh up scorning like water?

Ta jannoo sheshaght rish drogh-yantee, as gimmeeaght marish deiney mee-chrauee?

Which goeth in company with the workers of iniquity, and walketh with wicked men.

Son t'eh er ghra, Cha vel eh vondeish erbee da dooinney dy ghoaill taitnys ayns Jee.

For he hath said, It profiteth a man nothing that he should delight himself with God.

Shen-y fa clasht-jee rhym's, shiuish gheiney creeney: foddey dy row eh veih Jee, dy yannoo olk; as veih'n Ooilley-niartal, dy yannoo mee-chairys.

Therefore hearken unto me ye men of understanding: far be it from God, that he should do wickedness; and from the Almighty, that he should commit iniquity.

Son ver eh cooilleen da dooinney cordail rish e obbyr, as ver eh lhiasaghey da dy chooilley ghooinney cordail rish e raaidyn.

For the work of a man shall he render unto him, and cause every man to find according to his ways.

Dy feer son shickyrys, cha jean Jee mee-chairys, chamoo nee'n Ooilley-niartal cassey briwnys.

Yea, surely God will not do wickedly, neither will the Almighty pervert judgment.

Quoi t'er chur y thalloo fo e churrym? ny quoi t'er oardaghey yn slane seihll?

Who hath given him a charge over the earth? or who hath disposed the whole world?

My t'eh dy hoiaghey e chree er dooinney, my t'eh goaill huggey hene yn spyrryd as yn ennal echey;

If he set his heart upon man, if he gather unto himself his spirit and his breath;

Ragh dy chooilley chretoor naardey cooidjagh, as yinnagh dooinney reesht chyndaa gys joan.

All flesh shall perish together, and man shall turn again unto dust.

My ta toiggal ayd nish, clasht rish shoh; eaisht rish coraa my ghoan.

If now thou hast understanding, hear this: hearken to the voice of my words.

Bee eer eshyn ta dwoaie echey er cairys cooie son reill: as jean uss eshyn y gheyrey ta smoo cairal?

Shall even he that hateth right govern? and wilt thou condemn him that is most just?

Vel eh cooie dy ghra rish ree, T'ou uss mee-chairal? as rish princeyn, Ta shiuish mee-chrauee?

Is it fit to say to a king, Thou art wicked? and to princes, Ye are ungodly?

Cre-woad sloo rishyn nagh vel soiaghey jeh persoonyn princeyn, ny cur geill da'n verchagh veg smoo na da'n voght? son t'ad ooilley obbyr e laueyn.

How much less to him that accepteth not the persons of princes, nor regardeth the rich more than the poor? for they all are the work of his hands.

Ayns y tullogh yiow ad baase, as bee'n pobble seaghnit ec y vean-oie, as hed ad shaghey; as bee'n vooinjer niartal er ny ghoaill ersooyl fegooish laue.

In a moment shall they die, and the people shall be troubled at midnight, and pass away: and the mighty shall be taken away without hand.

Son ta e hooillyn er raaidyn dooinney, as t'eh fakin ooilley e ymmyrkey.

For his eyes are upon the ways of man, and he seeth all his goings.

Cha vel dorraghys erbee ayn, ny scadoo'n vaaish hene, raad oddys drogh-yantee ad-hene y ollaghey.

There is no darkness, nor shadow of death, where the workers of iniquity may hide themselves.

Son cha jean eh ny smoo ny ta cair y chur er dooinney, dasyn dy phleadeil rish Jee ayns briwnys.

For he will not lay upon man more than right; that he should enter into judgment with God.

Nee eh deiney niartal gyn earroo y vrishey ayns peeshyn, as feallagh elley y hoiaghey ayns nyn ynnyd.

He shall break in pieces mighty men without number, and set others in their stead.

Shen-y-fa ta fys echey er nyn obbraghyn, as t'eh dy hilgey harrish ad 'syn oie, myr shen dy vel ad er nyn stroie.

Therefore he knoweth their works, and he overturneth them in the night, so that they are destroyed.

T'eh dy woalley ad myr drogh-yantee ayns shilley foshlit feallagh elley;

He striketh them as wicked men in the open sight of others;

Er-yn-oyr dy hyndaa ad cooyl rishyn, as nagh dug ad veg y gheill da e raaidyn.

Because they turned back from him, and would not consider any of his ways:

Myr shen dy vel ad cur er accan y voght dy heet huggey, as t'eh clashtyn eam yn seaghnit.

So that they cause the cry of the poor to come unto him, and he heareth the cry of the afflicted.

Tra t'eshyn cur shee, quoi eisht oddys jannoo anvea? as tra t'eh follaghey e eddin, quoi eisht oddys cur-my-ner eh? edyr eh ve jeant noi slane ashoon, ny noi dooinney ny lomarcan:

When he giveth quietness, who then can make trouble? and when he hideth his face, who then can behold him? whether it be done against a nation, or against a man only:

Nagh lhisagh yn er-crauee-oalsey reill, er aggle dy beagh y pobble er ny hayrn ayns ribbey.

That the hypocrite reign not, lest the people be ensnared.

Son shickyrys te cooie dy ve rait rish Jee, Ta mee er n'ymmyrkey kerraghey, cha jean-ym peccah ny smoo.

Surely it is meet to be said unto God, I have borne chastisement, I will not offend any more:

Shen nagh vel mee fakin, ynsee uss dooys: my ta mee er n'yannoo mee-chairys, cha jean-ym arragh eh.

That which I see not teach thou me: if I have done iniquity, I will do no more.

Nee lurg yn aigney ayd's lhisagh shoh y ve? gowee eshyn cooilleen, edyr noi dty aigney, ny lesh, as cha nee mish: shen-y-fa lhig da dty ghoan ve rere dty hushtey.

Should it be according to thy mind? he will recompense it, whether thou refuse, or whether thou choose; and not I: therefore speak what thou knowest.

lhig da deiney lowal ginsh dou, as lhig da dooinney creeney geaishtagh rhym.

Let men of understanding tell me, and let a wise man hearken unto me.

Ta Job er loayrt gyn tushtey, as ta ny goan echey fegooish creenaght.

Job hath spoken without knowledge, and his words were without wisdom.

Te my yeearree, dy bee slane prowal goit er Job, son pleadeil ayns lieh deiney kyndagh.

My desire is that Job may be tried unto the end because of his answers for wicked men.

Son t'eh er chur mee-viallys gys e pheccah; t'eh dy woalley e vassyn ny mast' ain, as t'eh dy vishaghey e ghoan noi Jee.

For he addeth rebellion unto his sin, he clappeth his hands among us, and multiplieth his words against God.