The Bible


Ny sodjey, hie Job er e hoshiaght lesh e choraa-dorraghey, as dooyrt eh,

Moreover Job continued his parable, and said,


Oh dy beagh mee myr ayns ny meeaghyn t'er n'gholl shaghey, myr ayns ny laghyn tra ren Jee m'y choadey;

Oh that I were as in months past, as in the days when God preserved me;


Tra ren e chainle soilshean er my chione as tra liorish e hoilshey ren mee gimmeeaght trooid dorraghys,

When his candle shined upon my head, and when by his light I walked through darkness;


Myr va mee ayns laghyn my aegid tra va ard-chiarail Yee harrish my chabbane;

As I was in the days of my youth, when the secret of God was upon my tabernacle;


Tra va'n Ooilley-niartal foast marym, tra va my chloan mygeayrt-y-moom;

When the Almighty was yet with me, when my children were about me;


Tra ren mee my chesmadyn y ooraghey lesh eeym, as tra ren y chreg deayrtey magh er my hon awinyn dy ooil;

When I washed my steps with butter, and the rock poured me out rivers of oil;


Tra hie mee magh er y yiat, trooid yn ard-valley, tra hoie mee er y stoyl-briwnys 'sy traid;

When I went out to the gate through the city, when I prepared my seat in the street


Honnick ny deiney aegey mee, as hie ad dy lhiattee: dirree yn chanstyr, as hass ad seose.

The young men saw me, and hid themselves: and the aged arose, and stood up.


Va ny princeyn nyn-dhost, as hug ad nyn laue er nyn meeal.

The princes refrained talking, and laid their hand on their mouth.


Cha daink fockle ass beeal ny deiney ooasle, as ren nyn jengey lhiantyn gys druntyn nyn meeal.

The nobles held their peace, and their tongue cleaved to the roof of their mouth.


Tra ren y chleaysh m'y chlashtyn eisht vannee eh mee; as tra honnick yn sooill mee dymmyrk eh feanish dou:

When the ear heard me, then it blessed me; and when the eye saw me, it gave witness to me:


Er-yn-oyr dy livrey mee yn boght er e accan, yn chloan gyn-ayr, as eshyn va gyn cooney.

Because I delivered the poor that cried, and the fatherless, and him that had none to help him.


Haink orrym's y bannaght echeysyn va aarloo dy herraghtyn: as hug mee er cree yn ven-treoghe dy ghoaill arrane son boggey.

The blessing of him that was ready to perish came upon me: and I caused the widow's heart to sing for joy.


Hug mee cairys moom, as ve my choamrey: va my vriwnys myr coamrey ooasle orrym, as myr attey reeoil.

I put on righteousness, and it clothed me: my judgment was as a robe and a diadem.


Va mee sooillyn da'n doal, as cassyn va mee da'n chroobagh.

I was eyes to the blind, and feet was I to the lame.


Va mee my ayr da'n voght: as y chooish doillee ronsee mee magh.

I was a father to the poor: and the cause which I knew not I searched out.


As vrish mee cab y vee-chrauee, as phluck mee yn spooilley ass e eeacklyn.

And I brake the jaws of the wicked, and plucked the spoil out of his teeth.


Eisht dooyrt mee rhym pene, Yioym baase ayns my edd, as bee my laghyn er ny vishaghey myr y ghenniagh.

Then I said, I shall die in my nest, and I shall multiply my days as the sand.


Va my fraue er ny skeayley magh liorish ny ushtaghyn, as lhie yn druight fud-ny-hoie er my vanglane.

My root was spread out by the waters, and the dew lay all night upon my branch.


Va my ghloyr aalin orrym, as va my vhow er ny niartaghey ayns my laue.

My glory was fresh in me, and my bow was renewed in my hand.


Rhym's ren deiney geaishtagh, as farkiaght, as v'ad nyn-dhost ec my choyrle.

Unto me men gave ear, and waited, and kept silence at my counsel.


Lurg my ghoan cha loayr ad reesht as ren my ghlare shilley myr y druight orroo.

After my words they spake not again; and my speech dropped upon them.


As ren ad farkiaght er my hon myr son y fliaghey, as doshil ad nyn meeal dy lhean myr son fliaghey yn jerrey bleeaney.

And they waited for me as for the rain; and they opened their mouth wide as for the latter rain.


My va mee gennal maroo, s'coan v'ad dy chredjal eh; as soilshey my eddin cha lhig ad sheese.

If I laughed on them, they believed it not; and the light of my countenance they cast not down.


Hug mee rhymboo nyn raad, as hoie mee myr yn ard-er ny mast' oc, as va mee myr ree ayns y cheshaght-chaggee, myr fer ta gerjaghey ny trimshee.

I chose out their way, and sat chief, and dwelt as a king in the army, as one that comforteth the mourners.