The Bible

1

Eisht dreggyr Job as dooyrt eh,

Then Job answered and said,

2

Eer jiu hene ta my accan sharroo; ta my ghuin ny s'diuney na my osnaghyn.

Even to day is my complaint bitter: my stroke is heavier than my groaning.

3

Oh dy beagh fys aym c'raad yiow'n magh eh! dy heet gys eer stoyl e vriwnys!

Oh that I knew where I might find him! that I might come even to his seat

4

Yinnin my chooish y hoiaghey magh kiongoyrt rish, as lhieeney my veeal lesh resoonyn fondagh.

I would order my cause before him, and fill my mouth with arguments.

5

Veagh fys aym eisht cre'n ansoor veagh aym, as toiggal cre yiarragh eh rhym.

I would know the words which he would answer me, and understand what he would say unto me.

6

Jean eh pleadeil m'oï ayns mooadys e niart? Cha jinnagh eh; agh m'y niartaghey.

Will he plead against me with his great power? No; but he would put strength in me.

7

Ayns shen oddagh yn dooinney carragh resooney rish; myr shoh veign er my heyrey maghey shen veih my vriw.

There the righteous might dispute with him; so should I be delivered for ever from my judge.

8

Cur-my-ner, ta mee goll er my hoshiaght, agh cha vel eh ayns shen; as jeeaghyn my yeï, agh cha voddym cur-my-ner eh.

Behold, I go forward, but he is not there; and backward, but I cannot perceive him:

9

Er y laue chiare, raad t'eh gobbraghey, agh cha vel baght aym jeh: t'eh follaghey eh-hene er y laue yesh, nagh voddym shilley y gheddyn jeh.

On the left hand, where he doth work, but I cannot behold him: he hideth himself on the right hand, that I cannot see him:

10

Agh shione dasyn my ymmyrkey: tra t'eh er my phrowal, hig-ym magh myr airh.

But he knoweth the way that I take: when he hath tried me, I shall come forth as gold.

11

Ta my chass er reayll e chesmadyn; gys e raad ta mee er chummal, as cha vel mee er hreigeil eh.

My foot hath held his steps, his way have I kept, and not declined.

12

Chamoo ta mee er hyndaa veih slattys e veillyn; ta mee er hoiaghey ny smoo jeh goan e veeal na jeh my veaghey ymmyrchagh.

Neither have I gone back from the commandment of his lips; I have esteemed the words of his mouth more than my necessary food.

13

Agh t'eshyn jeh'n un aigney, as quoi oddys eh y hyndaa? as shen ta'n annym echey geearree, eer myr shen t'eh dy yannoo.

But he is in one mind, and who can turn him? and what his soul desireth, even that he doeth.

14

Son t'eh cooilleeney shen ta kiarit er my hon: as ymmodee lheid ny reddyn ta mârish.

For he performeth the thing that is appointed for me: and many such things are with him.

15

Shen-y-fa ta mec seaghnit kiongoyrt rish; tra ta mee smooinaghtyn er, ta mee ayns aggle roish.

Therefore am I troubled at his presence: when I consider, I am afraid of him.

16

Son ta Jee jannoo my chree meiygh, as ta'n Ooilley-niartal dy my heaghney.

For God maketh my heart soft, and the Almighty troubleth me:

17

Er-yn-oyr nagh row mee er ny yiarey jeh roish y dorraghys, chamoo t'eh er skeayley'n dorraghys veih m'eddin.

Because I was not cut off before the darkness, neither hath he covered the darkness from my face.