The Bible

1

Eisht dreggyr Eliphaz yn Temanite as dooyrt eh,

Then Eliphaz the Temanite answered and said,

2

Vod dooinney ve vondeishagh da Jee, myr t'eshyn ta creeney vondeishagh da hene?

Can a man be profitable unto God, as he that is wise may be profitable unto himself?

3

Vel eh maynrys da'n Ooilley-niartal dy vel oo crauee? vel eh cosney erbee da dy vel oo gymmyrkey oo-hene dy cairagh?

Is it any pleasure to the Almighty, that thou art righteous? or is it gain to him, that thou makest thy ways perfect?

4

Vel aggle ersyn dy chur oghsan dhyt? jean eh gentreil ayns cooish briwnys rhyt?

Will he reprove thee for fear of thee? will he enter with thee into judgment?

5

Nagh vel dty olkys mooar? as dty vee-chairys erskyn-earroo?

Is not thy wickedness great? and thine iniquities infinite?

6

Son t'ou er ghoaill gioal jeh dty vraar son veg, as er spooilley ny boghtyn jeh nyn goamrey.

For thou hast taken a pledge from thy brother for nought, and stripped the naked of their clothing.

7

Cha vel oo er hirveish ushtey orroosyn va tooillit, as t'ou er lhiettal arran veih ny accryssee.

Thou hast not given water to the weary to drink, and thou hast withholden bread from the hungry.

8

Agh son y dooinney berchagh, va'n thalloo roish, as y dooinney ooasle, v'eh cummal ayn.

But as for the mighty man, he had the earth; and the honourable man dwelt in it.

9

T'ou er chur ny mraane-treoghe ersooyl follym, as er vrishey roihaghyn y chloan gyn-ayr.

Thou hast sent widows away empty, and the arms of the fatherless have been broken.

10

Shen-y-fa ta ribbaghyn mygeayrt-y-mood, as ta aggle doaltattym dy dty heaghney;

Therefore snares are round about thee, and sudden fear troubleth thee;

11

Ny dorraghys, nagh vod oo fakin; as ta thooillaghyn ushtey dy dty choodaghey.

Or darkness, that thou canst not see; and abundance of waters cover thee.

12

Nagh vel Jee ayns yrjid niau? as cur-my-ner yrjid ny rollageyn, cre cha ard as t'ad!

Is not God in the height of heaven? and behold the height of the stars, how high they are

13

As t'ou uss gra, Cre'n fys t'ec Jee? vod eshyn briwnys trooid y vodjal dorraghey?

And thou sayest, How doth God know? can he judge through the dark cloud?

14

Ta ny bodjallyn chiu dy choodaghey eh, nagh vel eh fakin; as t'eh gimmeeaght ayns slane reamys niau.

Thick clouds are a covering to him, that he seeth not; and he walketh in the circuit of heaven.

15

Vel oo er chur tastey da'n chenn raad ta ny mee-chrauee er n'immeeaght ayn;

Hast thou marked the old way which wicked men have trodden?

16

Va er nyn yiarey sheese roish nyn draa; yn undin oc va er ny choyrt-mow lesh thooilley;

Which were cut down out of time, whose foundation was overflown with a flood:

17

Dooyrt rish Jee, Faag voïd shin; as cre oddys yn Ooilley-niartal jannoo roo?

Which said unto God, Depart from us: and what can the Almighty do for them?

18

Ny-yeih lhieen eh nyn dhieyn lesh nheeghyn mie: agh ta coyrle ny mee-chrauee foddey voym.

Yet he filled their houses with good things: but the counsel of the wicked is far from me.

19

Ta'n sleih cairal fakin shoh, as s'mie lhieu eh; as t'ad ayns faghid ec y vooinjer ?ney.

The righteous see it, and are glad: and the innocent laugh them to scorn.

20

Shen-y-fa cha vel y chooid ainyn er ny yiarey jeh; agh shen ny ta er-mayrn jeusyn ta'n aile dy chur-mow.

Whereas our substance is not cut down, but the remnant of them the fire consumeth.

21

Jean uss nish oo-hene y injillaghey huggey, as bee oo ec shee: son liorish shoh bee mieys dty chour.

Acquaint now thyself with him, and be at peace: thereby good shall come unto thee.

22

Gow, ta mee guee ort, yn leigh veih e veeal, as tasht seose e ghoan ayns dty chree.

Receive, I pray thee, the law from his mouth, and lay up his words in thine heart.

23

My hyndaa-ys oo gys yn Ooilley-niartal bee oo er dty hroggal seose, ver oo ersooyl mee-chairys foddey veih dty chabbaneyn.

If thou return to the Almighty, thou shalt be built up, thou shalt put away iniquity far from thy tabernacles.

24

Eisht ver oo seose airh myr joan, as airh Ophir myr claghyn y strooan.

Then shalt thou lay up gold as dust, and the gold of Ophir as the stones of the brooks.

25

Dy jarroo bee'n Ooilley-niartal dty Endeilagh, as bee ayd mooarane argid.

Yea, the Almighty shall be thy defence, and thou shalt have plenty of silver.

26

Son eisht bee dty haitnys 'syn Ooilley-niartal, as nee oo dty eddin y hroggal seose gys Jee.

For then shalt thou have thy delight in the Almighty, and shalt lift up thy face unto God.

27

Nee oo padjer y ghoaill huggey, as ver eh clashtyn dhyt, as nee oo cooilleeney dty vreearraghyn.

Thou shalt make thy prayer unto him, and he shall hear thee, and thou shalt pay thy vows.

28

Nee oo cooish y ghoaill ayns laue, as hig eh lhiat: as bee'n soilshey sollys er dty raaidyn.

Thou shalt also decree a thing, and it shall be established unto thee: and the light shall shine upon thy ways.

29

Tra ta deiney er ny hilgey sheese, eisht jir uss, Bee troggal seose ayn; as sauee eh yn dooinney imlee.

When men are cast down, then thou shalt say, There is lifting up; and he shall save the humble person.

30

Nee eshyn ellan yn vooinjer gyn-loght y livrey; as te er ny hauail liorish ynrickys dty laueyn.

He shall deliver the island of the innocent: and it is delivered by the pureness of thine hands.