The Bible

1

Eisht dreggyr Job as dooyrt eh,

Then Job answered and said,

2

Caïd nee shiu m'annym y heaghney, as brishey my chree lesh nyn ghoan?

How long will ye vex my soul, and break me in pieces with words?

3

Shymmey ta ny keayrtyn ta shiu er my oltooaney: nagh vel nearey erriu dy hionney cha trome orrym?

These ten times have ye reproached me: ye are not ashamed that ye make yourselves strange to me.

4

As abbyr dy vel mee fo marranys, ta my varranys lhie orrym pene.

And be it indeed that I have erred, mine error remaineth with myself.

5

Ga dy vel shiu foast shassoo magh m'oï, as lhiasaghey orrym my oltooan;

If indeed ye will magnify yourselves against me, and plead against me my reproach:

6

Toig-jee nish dy nee Jee ta er my lhieggal, as er my ghoaill ayns e lieen.

Know now that God hath overthrown me, and hath compassed me with his net.

7

Cur-my-ner, ta mee plaiynt noi meechairys, agh cha vel mee er my chlashtyn; ta mee geamagh dy ard, agh cha vel feaysley my chour.

Behold, I cry out of wrong, but I am not heard: I cry aloud, but there is no judgment.

8

T'eh er yeigh seose my raad, nagh voddym geddyn harrish, as t'eh er skeayley dorraghys roish my chassyn.

He hath fenced up my way that I cannot pass, and he hath set darkness in my paths.

9

T'eh er my roostey jeh my ghloyrt, as er n'ghoaill yn attey jeh my chione.

He hath stripped me of my glory, and taken the crown from my head.

10

T'eh er my stroie er dy chooilley heu, as ta mee rea: as my hreishteil t'eh er yiarey sheese myr billey.

He hath destroyed me on every side, and I am gone: and mine hope hath he removed like a tree.

11

T'eh myrgeddin er ghreesaghey e chorree m'oï, as t'eh er ghellal rhym myr rish e noid.

He hath also kindled his wrath against me, and he counteth me unto him as one of his enemies.

12

Ta sheshaght ny roosteyryn cheet cooidjagh, as jannoo raad daue hene m'oï, as campal cruin mygeayrt my chabbane.

His troops come together, and raise up their way against me, and encamp round about my tabernacle.

13

T'eh er scughey my vraaraghyn foddey voym, as ta my eer ainjyssee jannoo quaagh jee'm.

He hath put my brethren far from me, and mine acquaintance are verily estranged from me.

14

Ta my gheiney-mooinjer er my hreigeil, as ta my chaarjyn dooie er my yarrood.

My kinsfolk have failed, and my familiar friends have forgotten me.

15

Ta mooinjer my hie hene, as my harvaantyn, jannoo joarree jee'm: ta mee myr fer-quaagh 'sy chilley oc.

They that dwell in mine house, and my maids, count me for a stranger: I am an alien in their sight.

16

Deïe mee er my harvaant, agh cha ren eh my reggyrt; ghuee mee er dy jeean lesh my veeal.

I called my servant, and he gave me no answer; I intreated him with my mouth.

17

Ta m'ennal dwoaiagh da my ven-heshey hene, ga dy ghuee mee urree er graih chloan my chorp hene.

My breath is strange to my wife, though I intreated for the children's sake of mine own body.

18

Ren ny eer cloan veggey gannidys orrym; dirree mee seose, as loayr ad m'o?.

Yea, young children despised me; I arose, and they spake against me.

19

Hug ooilley my henn chaarjyn dwoaie dou; as t'adsyn bare bynney lhiam er jyndaa m'oï.

All my inward friends abhorred me: and they whom I loved are turned against me.

20

Ta my chraueyn brishey trooid my chrackan as m'eill, as scoan ta mee er s'capail lesh crackan er my ghruntyn.

My bone cleaveth to my skin and to my flesh, and I am escaped with the skin of my teeth.

21

Gow-jee chymmey jee'm, gow-jee chymmey jee'm, O shiuish my chaarjyn; son ta laue Yee er ventyn rhym.

Have pity upon me, have pity upon me, O ye my friends; for the hand of God hath touched me.

22

My ta Jee er lhie e laue orrym, cre s'liass diuish? as nagh s'lioar diu fakin cre ta mee surranse ayns my eill?

Why do ye persecute me as God, and are not satisfied with my flesh?

23

Oh dy beagh my ghoan nish scruit! oh dy beagh ad recordit ayns lioar!

Oh that my words were now written! oh that they were printed in a book

24

Dy beagh ad grainnit lesh pen yiarn as leoaie ayns y chreg er son dy bragh!

That they were graven with an iron pen and lead in the rock for ever

25

Son ta fys aym dy vel my Haualtagh bio, as dy jean eh shassoo ec y laa jerrinagh er y thalloo:

For I know that my redeemer liveth, and that he shall stand at the latter day upon the earth:

26

As ga, lurg my chrackan, dy der ny beishteigyn mow yn corp shoh, ny-yeih ayns my eill neem's Jee y akin:

And though after my skin worms destroy this body, yet in my flesh shall I see God:

27

Eshyn neem's fakin er my hon hene, as ver my hooillyn my-ner eh, as cha nee fer erbee elley er my hon; ga dy vel my veeghyn goll naardey cheu-sthie jee'm.

Whom I shall see for myself, and mine eyes shall behold, and not another; though my reins be consumed within me.

28

Agh lhisagh shiuish gra, Cre'n-fa ta shin jannoo tranlaase er, fakin dy vel bun y chooish er ny gheddyn aynym pene?

But ye should say, Why persecute we him, seeing the root of the matter is found in me?

29

Bee-jee ayns aggle roish y chliwe: son ta jymmoose cur lesh marish kerraghey'n chliwe, dy vod fys 've eu dy vel briwnys ry-heet.

Be ye afraid of the sword: for wrath bringeth the punishments of the sword, that ye may know there is a judgment.