The Bible

1

Eisht dreggyr Bildad y Shubite as dooyrt eh.

Then answered Bildad the Shuhite, and said,

2

Caïd nagh bee jerrey er nyn ghoan? fuirree-jee erriu, as ny lurg shen nee mayd loayrt.

How long will it be ere ye make an end of words? mark, and afterwards we will speak.

3

Cre'n-fa ta shin coontit myr maase, as jeh beggan feeu ayns nyn shilley?

Wherefore are we counted as beasts, and reputed vile in your sight?

4

T'eh raipey eh-hene ayns e chorree: vel yn thalloo dy ve treigit er dty hon's? as y chreg dy ve scughit ass e lhiaght?

He teareth himself in his anger: shall the earth be forsaken for thee? and shall the rock be removed out of his place?

5

Bee soilshey yn vee-chrauee eer er ny vooghey, as cha jean bree yn aile echey soilshean.

Yea, the light of the wicked shall be put out, and the spark of his fire shall not shine.

6

Bee'n soilshey dorraghey ayns e chabbane, as bee e chainle er ny chur ass marish hene.

The light shall be dark in his tabernacle, and his candle shall be put out with him.

7

Bee kesmadyn e niart er ny hionney, as ver e choyrle hene er dy huittym.

The steps of his strength shall be straitened, and his own counsel shall cast him down.

8

Son t'eh goit ayns lieen liorish e chassyn hene; t'eh shooyl er y ribbey.

For he is cast into a net by his own feet, and he walketh upon a snare.

9

Bee e voyn goit 'sy trap, as yiow'n roosteyr barriaght er.

The gin shall take him by the heel, and the robber shall prevail against him.

10

Ta'n ribbey soit er e hon er y thalloo, as y trap roish er y raad.

The snare is laid for him in the ground, and a trap for him in the way.

11

Bee aggle atchimagh er veih dy chooilley ard, as cur er goaill gys e voynyn.

Terrors shall make him afraid on every side, and shall drive him to his feet.

12

Nee'n niart echey goll neeu, as bee toyrt-mow chion ec e lhiattee.

His strength shall be hungerbitten, and destruction shall be ready at his side.

13

Nee eh niart e challin y stroie: nee mac shinney'n vaaish e niart y chur fo-chosh.

It shall devour the strength of his skin: even the firstborn of death shall devour his strength.

14

Bee yn shickyrys echey astyrit ass e chabbane, as ver eh lesh eh gys ree ny atchim.

His confidence shall be rooted out of his tabernacle, and it shall bring him to the king of terrors.

15

Nee shen tannaghtyn ayns e chabbane, er-yn-oyr nagh vel eh nish lesh hene: bee brimstone er ny skeayley er e chummal.

It shall dwell in his tabernacle, because it is none of his: brimstone shall be scattered upon his habitation.

16

Bee ny fraueyn echey fioghit veih heese, as heose bee e vanglane er ny yiarey jeh.

His roots shall be dried up beneath, and above shall his branch be cut off.

17

Nee e chooinaghtyn cherraghtyn veih'n thalloo, as cha bee imraa erbee jeh 'sy traid.

His remembrance shall perish from the earth, and he shall have no name in the street.

18

Bee eh er ny eiyrt veih soilshey gys dorraghys, as er ny imman ass y theihll.

He shall be driven from light into darkness, and chased out of the world.

19

cha bee echey mac ny sluight mastey e phobble, ny dooinney er-mayrn ayns e chummallyn.

He shall neither have son nor nephew among his people, nor any remaining in his dwellings.

20

Nee adsyn hig ny-ye? yindys y ghoaill jeh laa e hoyrt-mow; v'adsyn honnick eh lhieent lesh atchim.

They that come after him shall be astonished at his day, as they that went before were affrighted.

21

Shoh'n erree hig er ynnydyn vaghee ny mee-chrauee, as shoh myr vees y cronney echeysyn nagh nhione da Jee.

Surely such are the dwellings of the wicked, and this is the place of him that knoweth not God.